రైతే జీవన దాత

విత్తు నాటితే

విపత్తు మొలుస్తోంది

నాట్లు వేసి

కాట్లు తినాల్సి వస్తోంది

దున్నితే వెన్ను విరుగుతోంది

రైతు బ్రతుకు ఎందుకిలా దిగజారుతోంది

భూమిని నమ్ముకోవడం కన్నా

అమ్ముకోవడం మేలనిపిస్తోంది

వ్యవసాయం వ్యధప్రాయం కావడానికి

కారణాలు ప్రభుత్వాలే

సంక్షేమం పేరున సంక్షోభం

సృష్టిస్తూ

పండిన పంటకు

గిట్టుబాటు ధరలివ్వక

రుణాల మాఫీ మాటేమోగాని

ప్రాణాలనే బలిగొంటూ

నీరు పోసి పెంచిన చెట్టుకే

ఉరి త్రాడు బిగించుకునే

అసహాయతకు

నెడుతోంది వ్యవస్థ

సాంకేతికతకు ఇచ్చిన ప్రాముఖ్యం

నేలను పండించే రైతు కు యివ్వక

వ్యవసాయం జీవనప్రవృత్తి కాక

అదీ ఓ ఉద్యోగం అనుకున్నంతకాలం

రైతు కూలీ అవుతాడు గాని

భూమికి యజమాని కాలేడు

అన్నదాత ను అవమానించకండి

పుట్లుపుట్లు ధాన్యం పండించే రైతులను ఓట్లుగా చూడకండి

కర్ష కుడే మన ప్రాణదాత

రైతే దేశానికి జీవనగిత

 -జింకా వెంకటరావు

( హ్యూస్టన్)