మధుర ప్రేమ ( కవిత)

అతడు :

--------

సిరిసిరిమువ్వా

నా గుండెలొ గువ్వా

ముత్యమంతమువ్వా

నా ముద్దులొలికె లవ్వా

చెడుగుడి ఆటతో

చెంతకుచేరవే

నిత్య వసంతంలా ననుమురిపించవే ,

ననుమురిపించవే. ॥సిరి॥

ఆమె :

-------

అందాలమామా

నా సుందర మోమా

కొంటె కొంటె చూపులాపి కొంగుముడివేయరా

ముసి ముసి నవ్వులతో

మురిపాలు పంచురా

నా చెంతనీవుంటే

స్వర్గమే మనదిరా ॥సిరి॥

అతను:

-------

పెదవంచు పలుకులతో

పెదవీ విరవకే

వద్దు వద్దంటూ

కవ్వించి నవ్వకే

నీ చూపు కైపులో

ఖైదీచేయకే

మువ్వల సవ్వడితో

నను బందించకే

రాలుగాయి చినదాన

రమ్యమైన సోకుదానా ॥సిరి॥

ఆమె :

-------

ప్రకృతమ్మ సాక్షిగా

పంచుకున్న బాసలతో

చేయి ,చేయి కలపరా

చెంతకు చేరరా

మధురాతి మధురమే

మన ప్రేమ పయనము

మాఘమాసమొచ్చిందీ మనువాడరారా

కన్నవారి దీవెనలతో

ఒకట వుదామురా ॥సిరి॥

-డా.బండారి సుజాత

(హన్మకొండ)