ఆ సినిమాకు నాకు సంబంధం లేదు

దాదాపు వారం రోజులుగా నలుగుతున్న రూమర్ కు చెక్ పెట్టాడు హీరో గోపీచంద్. రజనీకాంత్ సినిమాలో ఈ మ్యాచో హీరో నటిస్తున్నాడంటూ వచ్చిన వార్తల్ని ఖండించాడు. ప్రస్తుతం రజనీకాంత్ చేస్తున్న సినిమాకు తనకు ఎలాంటి సంబంధం లేదని స్పష్టంచేశాడు గోపీచంద్. ప్రస్తుతం శివ దర్శకత్వంలో ఓ సినిమా చేస్తున్నాడు రజనీకాంత్. ఇందులో ఓ కీలక పాత్ర కోసం గోపీచంద్ ను సంప్రదించినట్టు వార్తలొచ్చాయి. అలాంటిదేం లేదని క్లారిటీ ఇచ్చాడు ఈ హీరో. తనను ఎవ్వరూ సంప్రదించలేదంటున్నాడు.

ఈ పుకారు రావడానికి కారణాలు కూడా చెప్పుకొచ్చాడు. దర్శకుడు శివతో కలిసి గతంలో వర్క్ చేశాడు గోపీచంద్. ఆ అనుబంధంతో రజనీకాంత్ సినిమాలో గోపీచంద్ కు ఓ క్యారెక్టర్ ఆఫర్ చేశాడంటూ పుకార్లు వచ్చాయి. ఒకవేళ నిజంగా రజనీకాంత్ సినిమాలో ఛాన్స్ వస్తే చేస్తారా అనే ప్రశ్నకు కూడా గోపీచంద్ రియాక్ట్ అయ్యాడు. తన క్యారెక్టర్ బాగుంటే రజనీకాంత్ సినిమాలో చిన్న పాత్ర అయినా సరే చేస్తానన్నాడు.

ప్రస్తుతం సంపత్ నంది దర్శకత్వంలో సిటీమార్ అనే సినిమా చేస్తున్నాడు గోపీచంద్. స్పోర్ట్స్ బ్యాక్ డ్రాప్ తో వస్తోంది ఈ మూవీ. ఈ మూవీపై ఈ హీరో చాలా హోప్స్ పెట్టుకున్నాడు. ఈ సినిమా కంప్లీట్ అయిన వెంటనే తేజ దర్శకత్వంలో ఓ సినిమా చేయబోతున్నాడు ఈ హీరో.