'మహర్షి' రైటర్ తో నాగార్జున !

టాలీవుడ్ సూపర్ స్టార్ మహేష్ బాబు వంశీ పైడిపల్లి దర్శకత్వంలో నటించిన ‘మహర్షి’ సినిమా మహేష్ బాబు కెరీర్ లో 25వ సినిమాగా విడుదలై బాక్సాఫీస్ వద్ద మంచి విజయాన్ని సాధించింది. ఈ సినిమాకి కథ అందించింది హరి, సోలోమన్.

‘మహర్షి’ సినిమా తో సక్సెస్ అందుకున్న సోలమన్ ఇప్పుడు దర్శకుడిగా మారబోతున్నట్లు సమాచారం. ఈ మధ్యనే సోలమన్… నాగార్జుకి ఒక స్క్రిప్ట్ కూడా వినిపించాడట. ఈ కథ నాగార్జున కి కూడా బాగా నచ్చిందని తెలుస్తోంది. కథలో కొన్ని చిన్న చిన్న మార్పులు, చేర్పులు చేసి… సోలోమన్ ఈ సినిమాతో దర్శకుడిగా మారాలని ప్రయత్నిస్తున్నాడట.

కొత్త దర్శకులతో సినిమాలు తీయడంలో నాగార్జున ఎప్పుడూ ముందుంటారు. ఇప్పటికే చాలా మంది కొత్త దర్శకులు ని ఇండస్ట్రీకి పరిచయం చేసిన నాగార్జున…. ఇప్పుడు ‘మహర్షి’ రైటర్ సోలమన్ ని కూడా దర్శకుడిగా పరిచయం చేయబోతున్నాడు.

అయితే ఇప్పటిదాకా వక్కంతం వంశీ, శ్రీధర్ సీపన, శ్రీనివాస్ వెలిగొండ వంటి కొందరు రైటర్లు దర్శకులుగా కూడా తమ అదృష్టాన్ని పరీక్షించుకున్నారు…. కానీ మంచి హిట్ లను అందుకోలేక పోయారు. మరి సోలోమన్ ఒక దర్శకుడిగా ఎంతవరకు మెప్పిస్తాడో తెలియాల్సి ఉంది.