అలా చేస్తే ప్రభుత్వం రోడ్డున పడుతుంది

తమది క్రమశిక్షణ కలిగిన పార్టీ అని టీడీపీ నేతలు పదేపదే చెబుతుంటారు. కానీ కాంగ్రెస్‌ను వీడి వచ్చిన నేతలు తమ పాత వాసనలను టీడీపీకి కూడా అంటిస్తున్నారు. పార్టీ లైన్‌తో సంబంధం లేకుండా బహిరంగంగానే కామెంట్స్ చేస్తున్నారు.

Click to Read: చంద్రబాబుతో షటప్‌ అనిపించుకున్న ఆ నేతలెవరు?

ఐదు రూపాయలు పెట్టి రోజుకు నాలుగైదు సార్లు టీ తాగుతున్న జనానికి … రూపాయికే బియ్యం ఇవ్వడం సరైంది కాదన్న జేసీ వ్యాఖ్యలను టీడీపీకే చెందిన టీజీ వెంకటేశ్‌ తప్పుపట్టారు. ఉచిత విద్యుత్, రూపాయికి బియ్యం పథకం ఆపేస్తే ప్రభుత్వం రోడ్డునపడుతుందని టీజీ అన్నారు. రాయలసీమ, ఉత్తరాంధ్రలో ఆకలి చావులు ఎక్కువయ్యాయని… వీలైతే పేదలకు సరుకులను ఉచితంగా ఇవ్వాలని టీజీ సలహా ఇచ్చారు. ఆదివారం మీడియాతో మాట్లాడిన జేసీ… ఉచిత విద్యుత్‌కు కూడా పరిమితి ఉండాలని సూచించారు.