విదేశీయులతో గొడవపడ్డ దగ్గుపాటి రానా తమ్ముడు

సినీ నటుడు రానా తమ్ముడు అభిరామ్‌కి, ఇద్దరు విదేశీయువకులకు మధ్య జూబ్లిహిల్స్‌లో గొడవ జరిగింది. దీంతో ఒకరిపై ఒకరు పోలీసులకు ఫిర్యాదు చేసుకున్నారు. అభిరామ్‌ కారులో వెళ్తుండగా ఇద్దరు విదేశీయులు ద్విచక్రవాహనంపై అటుగా వచ్చారు. ఆ సమయంలో అభిరామ్‌ కారును వారి బైక్‌ తాకింది. దీంతో వెంటనే కారు ఆపిన అభిరామ్‌ … తన వాహనం ముందు భాగాన్నిపరిశీలించాడు. కారును ద్విచక్రవాహనం తాకిన గుర్తులు కనిపించడంతో వారి వెంట పరుగు తీశాడు. వారిని వెంబడించి పట్టుకున్నాడు. ఆ సమయంలో విదేశీయులపై అభిరామ్ చేయి చేసుకున్నట్టు తెలుస్తోంది. ఈ ఘటనపై ఇరువురు పోటాపోటీగా పోలీసులకు ఫిర్యాదు చేశారు. కేసు నమోదు చేసుకున్నపోలీసులు సీసీ కెమెరా ఫుటేజ్ ఆధారంగా తదుపరి చర్యలు తీసుకుంటామంటున్నారు.