ప‌ప్పుగింజ‌ల‌తో సంపూర్ణ ఆరోగ్యం
ప‌ప్పు గింజ‌లు ఆరోగ్యానికి ఎంతో మేలు చేస్తాయి. వీటిల్లో యాంటీఆక్సిడెంట్లు, విటమిన్లు, ఖనిజాలు దండిగా ఉంటాయి. బాదం, జీడిపప్పు, పిస్తా, అక్రోటు (వాల్‌నట్‌), వేరుశనగపప్పుల్లోని అసంతృప్తకొవ్వులు గుండె ఆరోగ్యానికి దోహదం చేస్తాయి. చేపలతో లభించే ఒమేగా 3 కొవ్వు ఆమ్లాలు కూడా వీటిల్లో ఉంటాయి. కొలెస్ట్రాల్‌ ఉండదు. ప‌ప్పు గింజ‌లు ఎంత ఆరోగ్యకరమైనవైనా మితంగానే తినాలి. అప్పుడే వీటితో కలిగే ప్రయోజనాలు అందుతాయి. ప‌ప్పు గింజ‌ల‌లో ఉండే అన్‌సాచురేటెడ్ కొవ్వులు చెడ్డ కొలెస్ట్రాల్‌ను తగ్గిస్తాయి. వీటిలో ఉండే […]
Advertisement
ప‌ప్పు గింజ‌లు ఆరోగ్యానికి ఎంతో మేలు చేస్తాయి. వీటిల్లో యాంటీఆక్సిడెంట్లు, విటమిన్లు, ఖనిజాలు దండిగా ఉంటాయి. బాదం, జీడిపప్పు, పిస్తా, అక్రోటు (వాల్‌నట్‌), వేరుశనగపప్పుల్లోని అసంతృప్తకొవ్వులు గుండె ఆరోగ్యానికి దోహదం చేస్తాయి. చేపలతో లభించే ఒమేగా 3 కొవ్వు ఆమ్లాలు కూడా వీటిల్లో ఉంటాయి. కొలెస్ట్రాల్‌ ఉండదు. ప‌ప్పు గింజ‌లు ఎంత ఆరోగ్యకరమైనవైనా మితంగానే తినాలి. అప్పుడే వీటితో కలిగే ప్రయోజనాలు అందుతాయి. ప‌ప్పు గింజ‌ల‌లో ఉండే అన్‌సాచురేటెడ్ కొవ్వులు చెడ్డ కొలెస్ట్రాల్‌ను తగ్గిస్తాయి. వీటిలో ఉండే ఒమేగా 3 ఫ్యాటీ ఆమ్లాలు రక్తనాళాలు ఆరోగ్యంగా ఉండేందుకు దోహదం చేస్తాయి. గుండె లయ తప్పటాన్ని నిరోధించి గుండెపోటు రాకుండా కాపాడతాయి. ప‌ప్పు గింజ‌ల్లో పీచు స్థాయి కూడా ఎక్కువగా ఉంటుంది. ఇది కొలెస్ట్రాల్‌ తగ్గటానికే కాదు కడుపు నిండిన భావనా కలిగిస్తుంది. దీంతో త్వరగా ఆకలి వేయదు. జీర్ణక్రియను మెరుగుపరుస్తుంది. మధుమేహం బారినపడకుండా నివారిస్తుంది. వీటిలో మెండుగా ఉండే విటమిన్ ఇ రక్తనాళాల్లో పూడికలను నివారిస్తుంది. అందువల్ల గుండెపోటు, పక్షవాతం వంటి జబ్బులు రాకుండా కాపాడుతుంది. ప‌ప్పుగింజ‌ల్లో ఉండే ఎల్‌-ఆర్గినైన్‌ ప్రోటీన్‌ రక్తనాళాలు సాగేలా, వదులుగా ఉండేలా చేసి లోపల అడ్డకుంలు ఏర్పడకుండా కాపాడుతుంది. బాదంపప్పును రాత్రిపూట నీటిలో గానీ పాలల్లో గానీ నానబెట్టి పరగడుపున తింటే శరీరం బాగా గ్రహిస్తుంది. వీటిల్లో విటమిన్- ఇ దండిగా ఉండటం వల్ల మెదడు పనితీరును, జ్ఞాపకశక్తిని పెంపొందిస్తాయి. జీడిపప్పును వేయించి తింటే బాగా జీర్ణమవుతుంది. వెంట్రుకలను ఆరోగ్యంగా ఉంచే జింక్‌ వీటిల్లో దండిగా ఉంటుంది. జీడిపప్పును ఇతర పప్పులతో కలిపి వంటలో ఉపయోగిస్తే మాంసకృత్తులన్నీ తీసుకున్నట్టవుతుంది. పిస్తాలో విటమిన్ ఎ, సి, బి6 ఉంటాయి కాబట్టి రోగనిరోధకశక్తినీ పెంపొదిస్తాయి. వీటిని రుచికోసం సలాడ్లు, ఐస్‌క్రీములు, తీపి పదార్థాలపై చల్లుకున్నా బాగుంటాయి. శరీరంలో వాపు ఉన్నప్పుడు, ఒత్తిడి ఎక్కువగా ఉన్నప్పుడు పెరిగే సి-రియాక్టివ్‌ ప్రోటీన్‌ స్థాయులనూ అక్రోట్లు తగ్గిస్తాయి. వీటిల్లో మిగతా గింజపప్పుల్లో కన్నా ఒమేగా 3 కొవ్వు ఆమ్లాలు ఎక్కువ. అందుకే గాలికి, వెలుతురుకు గురైతే త్వరగా రంగు, రుచి మారిపోతాయి. వేరుశనగల్లో ఒలియెక్‌ కొవ్వు ఉంటుంది. మోనో అసంతృప్తకొవ్వు ఆమ్లాలూ ఎక్కువే. అందువల్ల వీటిని తరచుగా తీసుకుంటే గుండె జబ్బుల బారినపడకుండా కాపాడతాయి.
Advertisement