ఆరోగ్యం పెరుగు...తుంది!

ప్ర‌తిరోజూ ఆహారంలో పెరుగుని చేర్చుకుంటే వ‌చ్చే ఆరోగ్య‌ప‌ర‌మైన లాభాలు చాలా ఉన్నాయి…

• ఆహారం జీర్ణం కావ‌డానికి తోడ్ప‌డుతుంది. ఇందులో ఉన్న పోష‌కాల‌ను జీర్ణ‌వ్య‌వ‌స్థ తేలిగ్గా శోష‌ణ చేసుకుంటుంది.
• ఇందులో శ‌రీరానికి మేలుచేసే మంచి బ్యాక్టీరియా ఉంటుంది. అది రోగ నిరోధ‌క‌శ‌క్తిని పెంచుతుంది, శ‌రీరానికి చెడుచేసే బ్యాక్టీరియాను నివారిస్తుంది.
• పెరుగులో క్యాల్షియం, ఫాస్ప‌ర‌స్ పుష్క‌లంగా ఉన్నాయి. ఇవి ఎముక‌ల‌ను, ప‌ళ్ల‌ను బ‌లంగా ఉంచుతాయి.
• ఇది గుండె ఆరోగ్యాన్ని కాపాడుతుంది. ఎందుకంటే పెరుగుకి ర‌క్త‌పోటుని అదుపులో ఉంచే శ‌క్తి ఉంది. ర‌క్త‌నాళాల్లో, శ‌రీరంలో కొవ్వు చేర‌కుండా నివారించ‌గ‌లుగుతుంది.
• బ‌రువు త‌గ్గించ‌డంలో తోడ్ప‌డుతుంది. పెరుగులో ఉన్న క్యాల్షియం శ‌రీరంలో కార్టిసాల్ అనే స్టిరాయిడ్ హార్మోన్ ఉత్ప‌త్తిని నియంత్ర‌ణ‌లో ఉంచుతుంది. ఈ కార్టిసాల్ ఉత్ప‌త్తి ఎక్కువైనా, స‌మ‌తౌల్యం కోల్పోయినా జీవ‌న‌శైలికి సంబంధించిన వ్యాధులు హైప‌ర్ టెన్ష‌న్‌, ఒబెసిటీ లాంటివి వ‌స్తాయి.
• పెరుగులో ఉన్న విట‌మిన్ సి, జింక్‌, క్యాల్షియం జుట్టు ఆరోగ్యాన్ని కాపాడ‌తాయి. ఇందులో ఉన్న యాంటీ ఫంగ‌ల్ గుణాలున్న లాక్టిక్ యాసిడ్ కార‌ణంగా దీన్ని త‌ల‌కు అప్ల‌యి చేస్తే చుండ్రు స‌మ‌స్య త‌గ్గుతుంది.
• కొంత‌మందికి పాలంటే స‌రిప‌డ‌వు. ఇలాంటివారికి పాలలో ఉన్న లాక్టోజ్ అనే ప్రొటీన్ అంద‌దు. వీరు పాల‌కు బ‌దులు పెరుగు తీసుకుంటే లాక్టోజ్‌ని లాక్టిక్ ఆసిడ్ రూపంలో పొంద‌వ‌చ్చు.