వంద శాతం మరుగుదొడ్లు నిర్మిస్తాం: నారాయణ

డిసెంబర్‌ 31 నాటికి అన్ని మున్సిపాలిటీల్లో వందశాతం మరుగుదొడ్లు నిర్మిస్తామని మున్సిపల్ శాఖ మంత్రి నారాయణ అన్నారు. గుంటూరులో మీడియాతో మాట్లాడుతూ.. ఈ పథకంలో భాగంగా గుంటూరు కార్పొరేషన్‌ను పైలెట్‌ ప్రాజెక్టుగా ఎంపిక చేశామన్నారు. అక్టోబర్‌ 2 నాటికి గుంటూరులో మరుగుదొడ్లు పూర్తి చేస్తామన్నారు. సమస్యలు తెలుసుకునేందుకు ప్రత్యేక అధికారులు సిబ్బంది కొరత నేపథ్యంలో ఇంజినీరింగ్‌ కాలేజీల హెచ్‌వోడీలు, ఫైనలియర్‌ విద్యార్థుల సహకారం తీసుకుంటున్నామని మంత్రి తెలిపారు. వెయ్యి మందికి రేపు వెంకటేశ్వర విజ్ఞానమందిరంలో శిక్షణనిస్తున్నామన్నారు.