లారీ-బస్సు ఢీ: ముగ్గురు మృతి

ఖమ్మం జిల్లాలో ఘోర రోడ్డు ప్రమాదం చోటు చేసుకుంది. లారీ-బస్సు ఢీకొన్న దుర్ఘటనలో ముగ్గురు దుర్మరణం పాలయ్యారు. 13 మందికి గాయాలయ్యాయి. బస్సులో మరో పది మంది ప్రయాణికులు ఇరుక్కున్నారు. వీరిని బస్సులో నుంచి బయటకు తీసేందుకు స్థానికులు ప్రయత్నిస్తున్నారు. ఘటన సమయంలో బస్సులో 50 మంది ప్రయాణికులు ఉన్నారు. బస్సు ఖమ్మం నుంచి మరిపెడకు వెళుతుండగా ఈ దుర్ఘటన సంభవించింది. లారీ ఢీకొనడంతో ఆర్టీసీ బస్సు వెనుక భాగం పూర్తిగా దెబ్బతింది.