అమర్‌నాథ్‌ యాత్రపై ఉగ్రవాదుల దాడి

అమర్‌నాథ్‌ యాత్రకు వెళ్లే భక్తులపై ఉగ్రవాదులు గ్రెనేడ్‌తో దాడి చేశారు. బుధవారం అనంతనాగ్‌ – పహల్గాంలో ఈ ఘటన చోటు చేసుకుంది. ఈ దాడిలో నలుగురు తీవ్రంగా గాయపడ్డారు. వీరిలో ఇద్దరు బీఎస్‌ఎఫ్‌ జవాన్లు, మరో ఇద్దరు సాధారణ పౌరులు ఉన్నారు. భద్రతా సిబ్బంది లక్ష్యంగా ఉగ్రవాదులు దాడి చేసినట్లుగా సమాచారం. క్షతగాత్రులను సమీప ఆస్పత్రికి తరలించారు. ఉగ్రవాదుల కోసం పోలీసులు గాలింపు చర్యలు చేపట్టారు.