కేశినేని బస్‌కు ప్రమాదం-20 మందికి గాయాలు
బెంగుళూరు నుంచి హైదరాబాద్ వస్తున్న కేశినేని ట్రావెల్స్‌ బస్‌ (కెఏ01-ఏఏ 3594) ప్రమాదానికి గురైన సంఘటనలో ఇరవై మంది తీవ్రంగా గాయపడగా ఇందులో ఐదుగురి పరిస్థితి ఆందోళనకరంగా ఉన్నట్టు తెలుస్తోంది. మహబూబ్‌నగర్‌ జిల్లా ఇటిక్యాల మండలం కొండేరు సమీపంలో జరిగిన ఈ ప్రమాదానికి డ్రైవర్‌ నిర్లక్ష్యమే కారణమని తెలుస్తోంది. డ్రైవర్‌ నిద్రావస్థలో ఉన్న సమయంలో ఈ ప్రమాదం జరిగినట్టు ప్రయాణికులు చెబుతున్నారు. ఈ సంఘటన జరిగిన సమయంలో బస్సులో 40 వరకు ప్రయాణికులు ఉన్నట్టు చెప్పారు. ప్రమాదం […]
Advertisement
బెంగుళూరు నుంచి హైదరాబాద్ వస్తున్న కేశినేని ట్రావెల్స్‌ బస్‌ (కెఏ01-ఏఏ 3594) ప్రమాదానికి గురైన సంఘటనలో ఇరవై మంది తీవ్రంగా గాయపడగా ఇందులో ఐదుగురి పరిస్థితి ఆందోళనకరంగా ఉన్నట్టు తెలుస్తోంది. మహబూబ్‌నగర్‌ జిల్లా ఇటిక్యాల మండలం కొండేరు సమీపంలో జరిగిన ఈ ప్రమాదానికి డ్రైవర్‌ నిర్లక్ష్యమే కారణమని తెలుస్తోంది. డ్రైవర్‌ నిద్రావస్థలో ఉన్న సమయంలో ఈ ప్రమాదం జరిగినట్టు ప్రయాణికులు చెబుతున్నారు. ఈ సంఘటన జరిగిన సమయంలో బస్సులో 40 వరకు ప్రయాణికులు ఉన్నట్టు చెప్పారు. ప్రమాదం జరిగిన వెంటనే 108కి ఫోన్‌ చేసినా ఎవరూ స్పందించలేదని, దాంతో పోలీసులకు సమాచారం అందించడంతో వారు సాయం చేయడం వల్లే కొంతమంది చావుబతుకుల నుంచి బయటపడగలిగారని వారు చెప్పారు. గాయపడిన వారిలో మహిళలు, వృద్ధులు, పిల్లలు కూడా ఉన్నారు. సంఘటన స్థలిలో ప్రాథమిక చికిత్స అందించిన తర్వాత క్షతగాత్రులను కర్నూలు ప్రభుత్వాస్పత్రికి పంపారు.
Advertisement