కేశినేని బస్సు బోల్తా..25 మందికి గాయాలు

అనంతపురం జిల్లా గుత్తి శివార్లలో కేశినేని ట్రావెల్స్‌కు చెందిన వోల్వో బస్సు అదుపు తప్పి బోల్తా పడింది. ఈ ప్రమాదంలో 25 మందికి గాయాలయ్యాయి. ఇద్దరి పరిస్థితి విషమంగా ఉంది. క్షతగాత్రులను గుత్తి ప్రభుత్వ ఆస్పత్రికి తరలించారు. ట్రావెల్స్ బస్సు హైదరాబాద్ నుంచి బెంగుళూరు వెళ్తుండగా ప్రమాదం చోటు చేసుకుంది. సమాచారం అందిన వెంటనే పోలీసులు అక్కడకు చేరుకుని ప‌రిస్థితిని స‌మీక్షించారు.