గ్రూప్‌ - 3 పరీక్ష ప్రారంభం

రాష్ట్ర వ్యాప్తంగా గ్రూప్‌ -3 పరీక్ష ప్రారంభమయ్యింది. 1,365 పోస్టులకు భర్తీకి నోటిఫికేషన్‌ ఇవ్వగా 5.36 లక్షల మంది అభ్యర్థులు దరఖాస్తు చేసుకున్నారు. ఆదివారం ఉదయం 10 గంటల నుంచి 12.30 వరకు ఫస్ట్‌ పేపర్‌, మధ్యాహ్నం 3 గంటల నుంచి సాయంత్రం 5.30 గంటలకు సెకండ్‌ పేపర్‌ పరీక్ష నిర్వహించనున్నారు. థర్డ్‌ పేపర్‌ సోమవారం ఉదయం 10 గంటలకు ప్రారంభమవుతుంది. టీజీపీఎస్సీ సూచన మేరకు అన్ని పరీక్ష కేంద్రాల గేట్లు 9.30 గంటలకే మూసివేశారు. మధ్యాహ్నం పేపర్‌ ప్రారంభానికి అరగంట ముందే గేట్లు మూసేయనున్నారు. పరీక్ష కేంద్రాల అడ్రస్‌ సరిగా తెలియక గ్రేటర్‌ హైదరాబాద్‌ లో పలువురు అభ్యర్థులు మరో సెంటర్‌ కు వచ్చారు. ఈక్రమంలో సమయానికి ఎగ్జామ్‌ సెంటర్‌ కు చేరుకోలేక వెనుదిరిగారు.