నిరుద్యోగులకు గుడ్ న్యూస్..మ‌రో 371 పోస్టులకు నోటిఫికేష‌న్ విడుద‌ల‌

తెలంగాణ వైద్యారోగ్య శాఖలో మ‌రో 371 పోస్టుల భ‌ర్తీకి నోటిఫికేష‌న్ రిలీజ్ అయింది. 272 న‌ర్సింగ్ ఆఫీస‌ర్లు, 99 ఫార్మాసిస్ట్ పోస్టుల‌కు రాష్ట్ర మెడిక‌ల్ రిక్రూట్‌మెంట్ బోర్డు నోటిఫికేష‌న్‌ను విడుద‌ల చేసింది. కాగా గత సెప్టెంబర్లోనే 2,050 నర్సింగ్ పోస్టులకు నోటిఫికేషన్ జారీ చేయగా.. ప్రస్తుతం విడుదల చేసిన 371 పోస్టుల ప్రకటన, గతనెల నోటిఫికేషన్ కు అనుబంధంగా కొనసాగనుంది. కాగా మొత్తం 2,322 నర్సింగ్ ఆఫీసర్లతోపాటు, 99 ఫార్మసిస్టు పోస్టులను ప్రభుత్వం భర్తీ చేయనుంది.

ఈ పోస్టులకు సంబంధించిన దరఖాస్తులకు అక్టోబర్ 14 వరకు తుది గడువు ఉండగా.. నవంబర్ 17న కంప్యూటర్ ఆధారిత పరీక్ష నిర్వహించనున్నారు. ఈ మేరకు తెలంగాణ మెడికల్ రిక్రూట్మెంట్ బోర్డ్ నోటిఫికేషన్ విడుదల చేసింది.