రాజకీయలకు రిటైర్మెంట్ ప్రకటించిన టీడీపీ సీనియర్ నేత

టీడీపీ సీనియర్ నేత, ఏపీ అసెంబ్లీ స్పీకర్ చింతకాయల అయ్యన్నపాత్రుడు తాను 2029 ఎన్నికల్లో పోటీ చేయను అని షాకింగ్ న్యూస్ చెప్పాడు. తన పొలిటికల్ జీవితానికి పూర్తి స్థాయిలో విరామం ప్రకటిస్తున్నాట్లు సంచలన ప్రకటన చేశారు. తెలుగుదేశం పార్టీ ఆవిర్భావం నుంచి అందులోనే ఉంటూ నాలుగున్నర దశాబ్దాల రాజకీయాన్ని పూర్తి చేసుకున్న విశాఖ జిల్లాకు చెందిన సీనియర్ నేత చింతకాయల అయ్యన్నపాత్రుడు.

సీఎం చంద్ర బాబు కంటే టీడీపీలో ముందు నుంచి ఉన్న అత్యంత సీనియర్ నాయకుడు అయ్యన్న. ఈ విధంగా ప్రకటన చేయడం పట్ల చర్చ సాగుతోంది. అయ్యన్న పాత్రుడు నిజానికి ఈ మాటను ఇపుడే కొత్తగా చెప్పడం లేదు. ఆయన 2019 ఎన్నికల్లో పోటీ చేయదలచుకోలేదని చెప్పేశారు. అయితే అవి టీడీపీకి అత్యంత కీలకమైన ఎన్నికలు అని చెప్పి అధినాయకత్వం ఆయననే పోటీకి పెట్టింది. ఇక 2024లో కూడా తన కుమారుడికే టికెట్ ఆయన అడిగినట్లుగా కూడా ప్రచారం సాగింది. కానీ హై కమాండ్ మాత్రం అయ్యన్న పోటీలో ఉండాల్సిందే అని పట్టుబట్టడంతో ఆయన పోటీ చేశారు. మంచి మెజారిటీతో గెలిచారు