బిల్‌గేట్స్‌ను కలిసిన మహేష్ బాబు, నమ్రత.. ఫొటో వైరల్

టాలీవుడ్ సూపర్ స్టార్ మహేష్ బాబు, ఆయన భార్య నమ్రత శిరోద్కర్ మైక్రోసాఫ్ట్ వ్యవస్థాపకుడు బిల్ గేట్స్‌ను కలిశారు. వీళ్లు ముగ్గురు కలిసి దిగిన ఫొటోను మహేష్‌బాబు సోషల్ మీడియాలో షేర్ చేయడంతో వైరల్‌గా మారింది.

మహేష్‌బాబు ఫ్యామిలీతో కలిసి ప్రస్తుతం అమెరికాలో హాలీడే టూర్ ఎంజాయ్ చేస్తున్నారు. ఈ క్రమంలో టెక్ దిగ్గజం బిల్‌గేట్స్‌ను కలిసినట్లు తెలుస్తున్నది. ‘మిమ్మల్ని కలవడం చాలా ఆనందంగా ఉన్నది. ప్రపంచం చూసిన అతి కొద్దిమంది దూరదృష్టిగల వ్యక్తుల్లో మీరు ఒకరు.. అయినా సరే మీరు ఎంతో తగ్గి ఉండటం ఆశ్చర్యం. నిజంగా మీరు మాకు ఆదర్శం’ అంటూ సోషల్ మీడియాలో మహేష్ పేర్కొన్నారు.

మహేష్ ఈ ఫొటో షేర్ చేసిన కొద్ది సేపట్లోనే వైరల్‌గా మారింది. ఇది నిజంగా అద్భుతమైన సందర్భం.. ముగ్గురినీ చూడటం ఆనందంగా ఉందని ఫ్యాన్స్ కామెంట్స్ చేస్తున్నారు. ప్రస్తుతం మహేష్ ఫ్యామిలీ న్యూయార్క్‌లో ఉన్నది. అక్కడ తాము తిరుగుతున్న, చూస్తున్న ప్రదేశాల ఫొటోలను నమ్రత ఎప్పటికప్పుడు అప్‌డేట్ చేస్తోంది. న్యూయార్క్ చాలా అందంగా ఉందంటూ నమ్రత కామెంట్ చేసింది. టైమ్స్ స్క్వేర్‌లో దిగిన ఫొటోలను కూడా ఫ్యాన్స్‌తో పంచుకున్నది.

మహేష్ బాబు నటించిన సర్కారు వారి పాట సినిమా బాక్సాఫీస్ వద్ద హిట్ అయ్యింది. పరుశురాం దర్శకత్వం వహించిన ఈ సినిమాలో మహేష్‌కు జోడీగా కీర్తి సురేష్ నటించింది.

ఇటీవలే అమెజాన్ ప్రైమ్‌లో కూడా ఈ సినిమాను రిలీజ్ చేయడంతో మంచి రేటింగ్స్ వస్తున్నాయి. కాగా, మహేష్‌బాబు తర్వాత ప్రాజెక్ట్‌ను త్రివిక్రమ్ దర్శకత్వం చేయనున్నాడు. పూజా హేగ్డే ఇందులో హీరోయిన్‌గా బుక్ అయ్యింది. త్రివిక్రమ్-మహేష్ కాంబినేషన్‌లో అతడు, ఖలేజా తర్వాత ఇది మూడో సినిమా. ఫ్యాన్స్ ఈ సినిమాపై భారీ అంచనాలే పెట్టుకున్నారు.