సెన్సార్ పూర్తిచేసుకున్న ఏనుగు

ఈమధ్య కాలంలో టైటిల్ తో ఆకట్టుకుంటున్న సినిమా ఏదైనా ఉందంటే అది ఏనుగు మాత్రమే. టైటిల్ చూస్తే ఏనుగు అని పెట్టారు. కానీ ఇది ఏనుగు చుట్టూ తిరిగే కథ కాదు. మానవ సంబంధాల మధ్య, యాక్షన్ ఎలిమెంట్స్ తో తీసిన సినిమా. ఇప్పుడీ సినిమా సెన్సార్ పూర్తిచేసుకుంది. విడుదలకు సిద్ధమైంది.

అరుణ్ విజయ్, ప్రియా భవానీ శంకర్ హీరోహీరోయిన్లుగా నటించిన సినిమా ఏనుగు. సింగం సిరీస్ తో పేరు తెచ్చుకున్న హరి, ఈ సినిమాకు దర్శకత్వం వహించాడు. అన్ని కార్యక్రమాలు పూర్తి చేసుకున్న ఈ సినిమాను జులై 1న గ్రాండ్ గా ప్రేక్షకుల ముందుకు రాబోతుంది. ఈ సినిమాకు U/A సర్టిఫికెట్ జారీ చేసింది సెన్సార్ బోర్డు.

తెలుగులో ఈ సినిమాను నిర్మాత సతీష్ రిలీజ్ చేస్తున్నారు. సముద్రఖని, కేజీఎఫ్ రామచంద్రరాజు, రాధిక శరత్‌కుమార్, యోగి బాబు ఇతర కీలక పాత్రలు పోషించారు. జి.వి. ప్రకాష్ కుమార్ సంగీతం అందిస్తున్నాడు.

ప్రస్తుతం సమాజంలో ఉన్న సమస్యలని ఎంటర్టైన్మెంట్ రూపంలో ప్రేక్షకులకు మంచి మెసేజ్ ఇస్తూ ఈ సినిమా తీశారంట. దీన్నొక ఎమోషనల్ ఫ్యామిలీ ఎంటర్ టైనర్ అంటున్నాడు నిర్మాత. తెలుగు, తమిళ భాషల్లో ఒకేసారి విడుదలకానున్న ఈ సినిమా అందరికీ నచ్చుతుందని చెబుతున్నాడు.