మహేష్, బన్నీ.. ఎవరి సినిమాపై ఆసక్తి ఎక్కువ?

సంక్రాంతి బరి.. ఈసారి టాలీవుడ్ లో కాకరేపుతోంది. ఇద్దరు కాకలు తీరిన ఉద్దండ హీరోలు మహేష్ బాబు, అల్లు అర్జున్ లు తమ సినిమాలతో సంక్రాంతి కోడిపుంజల వలే తలపడుతున్నారు.

ఈ ఇద్దరు హీరోలను చూస్తే మహేష్ బాబుకు కాస్త మార్కెట్ ఫాలోయింగ్ ఎక్కువ. అయితే అల్లు అర్జున్ ఏం తీసిపోలేదు.ఆయన వెనుక టాలీవుడ్ అగ్ర నిర్మాత అల్లు అరవింద్ ఉన్నారు. దీంతో మహేష్ తో సై అంటే సై అనేలానే సినిమా ఉంది.

మహేష్ బాబు సీరియస్ కథాంశంతో ‘సరిలేరు’ మూవీని తీస్తున్నారు. మొదట ఆర్మీ బ్యాక్ డ్రాప్ తర్వాత విజయశాంతితో ఏదో సామాజిక అజెండా అని ట్రైలర్ చూస్తే అర్థమవుతోంది. కానీ బన్నీ తీసేది మాటల మాంత్రికుడు త్రివిక్రమ్ తో మూవీ. ఫుల్ కామెడీ అని టీజర్ చూస్తేనే అర్థమైపోయింది. ఫన్నీ ఎలిమెంట్స్ ఎక్కువగా ఉన్నాయి.. పైగా పాటలు సూపర్ హిట్ అయ్యాయి.

ఈ నేపథ్యంలో ఓవర్సిస్, యూఎస్ లో మహేష్ సీరియస్ సినిమా కంటే… బన్నీ ఫన్నీ సినిమానే ఎక్కువగా చూసేందుకు జనాలు ఆసక్తి చూపే అవకాశాలు మెండుగా ఉన్నాయి.

దీన్ని బట్టి స్టార్ హీరో మహేష్ బాబు సినిమా హిట్ అయితే ఢోకాలేదు.. ఏమాత్రం తేడా కొట్టినా…. బన్నీ సినిమా వర్కవుట్ అయితే కామెడీ టైమింగ్స్ తో ఈ సినిమాకు కలెక్షన్ల వర్షం కురవడం ఖాయమని సినీ విశ్లేషకులు అభిప్రాయపడుతున్నారు.