పాఠశాలపైకి బాంబులు విసిరిన దుండగులు

బీహార్‌లో స్వాతంత్య్ర దినోత్సవం రోజున విషాదం చోటు చేసుకుంది. స్వాతంత్య్ర దినోత్సవ వేడుకలు నిర్వహిస్తున్న సెంట్ జోసెఫ్ పాఠశాలపై గుర్తు తెలియని దుండగులు నాటు బాంబులు విసిరారు. ఈ దాడిలో ఇద్దరు విద్యార్థులు తీవ్రంగా గాయపడ్డారు. దీంతో పాఠశాల యాజమాన్యం, విద్యార్థులు తీవ్ర ఆందోళనకు గురయ్యారు. గాయపడ్డ విద్యార్థులను చికిత్స నిమిత్తం ఆస్పత్రికి తరలించారు. ఎలాంటి ప్రాణనష్టం జరగకపోవడంతో పాఠశాల యాజమాన్యం, విద్యార్థుల తల్లిదండ్రులు ఊపిరిపీల్చుకున్నారు.