మూడు సినిమాలు.... పోటీ ఇచ్చేది ఏది?

ప్రస్తుతం థియేటర్లలో ఇస్మార్ట్ శంకర్, డియర్ కామ్రేడ్ సినిమాలు మాత్రమే మిగిలాయి. బ్రోచేవారెవరురా, ఏజెంట్ సాయిశ్రీనివాస్ ఆత్రేయ లాంటి సినిమాల హవా పూర్తిగా తగ్గిపోయింది. ఈ నేపథ్యంలో ఈ వారాంతం మరో 3 సినిమాలు థియేటర్లలోకి వస్తున్నాయి. రామ్, విజయ్ దేవరకొండ సినిమాలకు అవి ఏ స్థాయిలో పోటీనిస్తాయో చూడాలి.

ఈ వీకెండ్ థియేటర్లలోకి వస్తోంది రాక్షసుడు. వరుసగా ఫ్లాపులు అందుకుంటున్న బెల్లంకొండ సాయిశ్రీనివాస్, ఈ సినిమా విజయంపై చాలా ఆశలు పెట్టుకున్నాడు. ఇతడి అదృష్టం ఏంటంటే.. గత సినిమాల్లానే ఇది కాస్ట్ ఫెయిల్యూర్ కాదు. తక్కువ బడ్జెట్ లో తీసి విడుదలకు ముందే టేబుల్ ప్రాఫిట్ అందుకున్నారు. ఎటొచ్చి హిట్ ఒక్కటే పెండింగ్. అదొక్కటే అందని ద్రాక్షగా మిగిలింది ఈ హీరోకి.

రాక్షసుడికి పోటీగా వస్తోంది గుణ369. కార్తికేయ హీరోగా నటించిన ఈ సినిమాపై ఓ మోస్తరు అంచనాలున్నాయి. సినిమా కథ చాలా బాగుందని, యాక్షన్ ఎపిసోడ్స్, ట్విస్టులు అదిరిపోయాయంటూ ఇండస్ట్రీ నుంచి ఫీలర్లు వదుల్తున్నారు. ట్రయిలర్ చూస్తుంటే అంత మేటర్ ఉన్నట్టు కనిపించడం లేదు కానీ వస్తున్న ఫీలర్లు మాత్రం భారీగా ఉంటున్నాయి. అందుకే ఈ సినిమాపై ఓ కన్నేసి ఉంటారు టాలీవుడ్ ప్రేక్షకులు.

ఈ రెండు సినిమాలతో పాటు శివరంజని అనే బి-గ్రేడ్ మూవీ కూడా ఒకటి వస్తోంది. రష్మి గౌతమ్ మెయిన్ లీడ్ గా ఈ సినిమా తెరకెక్కింది. నందుతో పాటు మరికొందరు ఇతర ముఖ్యపాత్రలు పోషించారు. హారర్ ఎలిమెంట్స్ తో పాటు రష్మి అందాలే పెట్టుబడిగా ఈ సినిమా వస్తోంది.