రేవంత్‌రెడ్డి మీద ఉన్న వ్యతిరేకతను చెప్తే జర్నలిస్టులను అరెస్ట్ చేస్తారా? : కేటీఆర్
రాష్ట్రంలో ప్రధాన మీడియాని రేవంత్ రెడ్డి మేనేజ్ చేస్తున్నాడు కాబట్టి ప్రజలు డిజిటల్ మీడియాలో తమ అభిప్రాయాన్ని వ్యక్తం చేస్తున్నారని కేటీఆర్ అన్నారు.
చంచల్ గూడ జైల్లో ఉన్న రేవతి, తన్వి యాదవ్ లను బీఆర్‌ఎస్ వర్కింగ్ ప్రెసిడెంట్ కేటీఆర్ పరామర్శించారు. కేటీఆర్ తోపాటు ఎమ్మెల్యే సబితా ఇంద్రారెడ్డి, సునీతాలక్ష్మరెడ్డి ఎమ్మెల్సీ దాసోజు శ్రవణ్ ఉన్నారు. ఈ క్రమంలో మాజీ మంత్రి కేటీఆర్ మాట్లాడుతూ.. ప్రభుత్వం మీద ప్రజల్లో ఉన్న అసహనాన్ని, వ్యతిరేకతను చెప్తే జర్నలిస్టులను అక్రమ అరెస్ట్ చేస్తారా అని ప్రశ్నించారు.
రేవంత్ రెడ్డి ప్రభుత్వం వచ్చాక సిద్దిరెడ్డి శ్రీనివాస్ రెడ్డి, గౌతమ్ గౌడ్, ఆకుల శ్రీనివాస్ రెడ్డి, శంకర్ గౌడ్, రంజిత్ రెడ్డి, రాజ్ కుమార్ నాయక్, సరిత యాదవ్, విజయారెడ్డి, రేవతి, తన్వీ యాదవ్, శివారెడ్డి ఇలా ఇంత మంది జర్నలిస్టులను అక్రమ అరెస్ట్ చేశారని ఆయన అన్నారు. భార్య పిల్లలను దూషించారని రేవంత్ రెడ్డి అంటున్నాడు.. మరి మిగతా వారికి భార్య పిల్లలు లేరా? నువ్వు అడ్డగోలుగా మాట్లాడినప్పుడు, మా మైనర్ పిల్లలను అన్నప్పుడు, అందరికి అక్రమసంబంధాలు అంటగట్టినప్పుడు.. ఆరోజు మాకు కుటుంబాలు ఉంటాయని సోయి లేదని కేటీఆర్ ప్రశ్నించారు. రాష్ట్రంలో ప్రధాన మీడియాని రేవంత్ రెడ్డి మేనేజ్ చేస్తున్నాడు కాబట్టి ప్రజలు డిజిటల్ మీడియాలో తమ అభిప్రాయాన్ని బయట పెడితే రేవంత్ రెడ్డి బాషలోనే అయన స్ధానాన్ని గుర్తు చేస్తే ఈరోజు జర్నలిస్టులను జైలులో పెడితే ఎంత వరుకు న్యాయం అని అన్నారు.
