యూట్యూబర్ భయ్యా సన్నీ యాదవ్ పై కేసు నమోదు ఎందుకంటే?

తెలుగు మోటోవ్లాగర్ యూట్యూబర్ భయ్యా సన్నీ యాదవ్‌పై సూర్యాపేట జిల్లా నూతన్‌కల్ పోలీస్ స్టేషన్‌లో కేసు నమోదు అయింది. తన సోషల్ మీడియా అకౌంట్ ద్వారా ఆన్‌లైన్ బెట్టింగ్ యాప్స్ ప్రమోట్ చేస్తున్నారనే ఆరోపణతో సూర్యాపేట పోలీసులు కేసు నమోదు చేశారు. యూట్యూబర్ భయ్యా సన్నీ యాదవ్ పై కేసు నమోదు కావడంపై ఆర్టీసీ ఎండీ సజ్జనార్‌ స్పందించారు.

బెట్టింగ్ ఇన్‌ప్లూయెన్స‌ర్ల‌ పై నేను చేసిన ‘ఎక్స్’ పోస్ట్ ఆధారంగా కేసు న‌మోదు చేసిన తెలంగాణ డీజీపీ, సూర్యపేట ఎస్పీకి ఈ సందర్భంగా సజ్జనార్‌ ధ‌న్య‌వాదాలు తెలిపారు. కాసుల‌కు కక్కుర్తిప‌డి అమాయ‌కుల ప్రాణాల‌ను తీస్తామంటే న‌డ‌వదు. చ‌ట్ట‌ప్ర‌కారం మీరు శిక్ష అనుభ‌వించాల్సిందే. మాకు మిలియ‌న్లు, ల‌క్ష‌ల్లో ఫాలోవ‌ర్స్ ఉన్నారు.. డ‌బ్బు కోసం ఏమైనా చేస్తామంటే ఊచ‌లు లెక్క‌పెట్ట త‌ప్ప‌దని చురకలు అంటించారు. ఇక ఆర్టీసీ ఎండీ సజ్జనార్‌ కారణంగా ఇప్పటికే.. ఏపీలో యూట్యూబర్ నాని అరెస్ట్‌ అయిన సంగతి తెలిసిందే.