శంషాబాద్ ఎయిర్ పోర్టులో భట్టికి ఘన స్వాగతం..ఖమ్మం బిడ్డ ఢిల్లీ అడ్డా!
జార్ఖండ్ ఎన్నికల్లో గెలిపించినందుకు తెలంగాణ డిప్యూటీ సీఎం భట్టి విక్రమార్కకు శంషాబాద్ ఎయిర్ పోర్టులో రాష్ట్ర కాంగ్రెస్ శ్రేణులు ఘన స్వాగతం ప‌లికారు.
జార్ఖండ్ ఎన్నికల్లో గెలిపించినందుకు తెలంగాణ డిప్యూటీ సీఎం భట్టి విక్రమార్కకు శంషాబాద్ ఎయిర్ పోర్టులో రాష్ట్ర కాంగ్రెస్ శ్రేణులు ఘన స్వాగతం ప‌లికారు. విమానాశ్రయం నుంచి భట్టి అనుచరులు, కాంగ్రెస్ శ్రేణులు భారీ ర్యాలీ నిర్వహించారు. ఖమ్మం బిడ్డ ఢిల్లీ అడ్డా అంటూ భట్టి ఫ్యాన్స్ నినాదాలు చేస్తూ ప్లకార్డులు ప్రదర్శించారు జార్ఖండ్‌లో కూట‌మి ప్ర‌భుత్వం ప్ర‌మాణ స్వీకారం చేశాక.. ఢిల్లీలో జ‌రిగిన కాంగ్రెస్ వ‌ర్కింగ్ క‌మిటీ స‌మావేశంలో పాల్గొని భట్టి విక్రమార్క రాష్ట్రానికి తిరిగి వచ్చారు .జార్ఖండ్ శాస‌న‌స‌భ‌కు జ‌రిగిన ఎన్నికల్లో కాంగ్రెస్ అధిష్టాన న‌మ్మ‌కాన్ని నిల‌బెడుతూ.. అక్క‌డి ప్ర‌జ‌ల మ‌నోభావాల‌కు అనుగుణంగా ఇండియా కూట‌మి ఘన విజ‌యానికి బ‌ల‌మైన పునాదులేసిన వ్యూహ చాణ‌క్యుడు ఉప ముఖ్యమంత్రి భట్టి విక్రమార్క.. అంటూ కాంగ్రెస్ నేతలు భట్టిని కొనియాడారు.
మహారాష్ట్ర ఎన్నికల్లో రాష్ట్ర ముఖ్యమంత్రి రేవంత్‌రెడ్డి ప్రచారం చేసిన స్థానాలు అన్నింట్లో ఓడిపోవటంతో భట్టికి ప్రాదాన్యత పెరిగింది. మరోవైపు రేవంత్ రెడ్డిని పక్కన పెట్టి ఢిల్లీకి రమ్మని భట్టి విక్రమార్కకు అధిష్టానం నుంచి పిలుపు వచ్చిందని తెలుస్తోంది. ఢిల్లీలో కాంగ్రెస్ కీలక సమావేశానికి రేవంత్ రెడ్డిని వద్దని భట్టిని ఆహ్వానించారు ఢిల్లీ పెద్దలు. భట్టిని ఆహ్వానించడంపై రాజకీయ వర్గాల్లో సర్వత్రా ఆసక్తి నెలకొంది.
