2025 ఏడాదిలో సెలవులు ఇవే

2025 ఏడాది గాను సాధారణ, ఐచ్ఛిక సెలవుల జాబితాను తెలంగాణ ప్రభుత్వం ఖరారు చేసింది. 2025లో మొత్తంగా 27 సాధారణ సెలవులు, 23 ఐచ్చిక సెలవులు ఉన్నట్లు రాష్ట్ర ప్రభుత్వం ప్రకటించింది. ఈ మేరకు రాష్ట్ర ప్రభుత్వ ప్రధాన కార్యదర్శి శాంతికుమారి ఉత్తర్వులు జారీ చేశారు.

సాధారణ సెలవుల్లో జనవరి 14న సంక్రాంతి (మంగళవారం), మార్చి 30న ఉగాది ( ఆదివారం), ఏప్రిల్‌ 6న శ్రీరామ నవమి (ఆదివారం), జులై 21న బోనాలు ( సోమవారం), ఆగస్టు 27న వినాయక చవితి ( బుధవారం), అక్టోబర్‌ 2న దసరా, గాంధీ జయంతి (గురువారం), అక్టోబర్‌ 20న దీపావళి (సోమవారం) వస్తున్నాయి.