తొలి రోజు ప్రశాంతంగా ముగిసిన గ్రూప్-3 పరీక్ష

తెలంగాణలో తొలి రోజు గ్రూప్-3 పరీక్ష ప్రశాంతంగా ముగిసింది. ఇవాళ రాష్ట్ర వ్యాప్తంగా మొత్తం 1401 పరీక్ష కేంద్రాల్లో పేపర్‌- 1 పరీక్ష 10 గంటల నుంచి మధ్యాహ్నం 12.30 గంటల వరకు ప్రశాంతంగా జరిగింది. మధ్యాహ్నం 3 నుంచి సాయంత్రం 5.30 గంటల వరకు పేపర్‌ 2 పరీక్ష ఎటువంటి ఆటంకాలు లేకుండా జరిగింది. 1,380 గ్రూప్-3 పోస్టులకు నోటిఫికేషన్ రాగా.. రాష్ట్ర వ్యాప్తంగా మొత్తం 5,36,477 లక్షల మంది అభ్యర్థులు అప్లై చేశారు. గ్రూప్-3 పరీక్షలు నవంబర్ నేటి నుంచి రెండు రోజుల పాటు నిర్వహిస్తున్నారు. మూడు పేపర్లుగా పరీక్ష ఉండగా.. ఆదివారం ఉదయం 10 గంటల నుంచి మధ్యాహ్నం 12.30 గంటల వరకు మొదటి పేపర్ పూర్తయింది. మధ్యాహ్నం 3 గంటల నుంచి సాయంత్రం 5.30 గంటల వరకు రెండో పేపర్ నిర్వహించారు.

రెండో రోజు ఉదయం 10 గంటల నుంచి మధ్యాహ్నం 12.30 గంటల మూడో పేపర్ నిర్వహిస్తారు. ఒక్కో పేపరుకు 150 మార్కులు ఉంటాయి. మొత్తం 450 మార్కులు ఉంటాయి. ప్రతి పేపర్‌లోనూ 150 ప్రశ్నలు ఉండగా.. ఒక్కో ప్రశ్నకు ఒక మార్కు కేటాయించారు. ఈ పరీక్షల్లో అత్యధిక మార్కులు సాధించిన అభ్యర్థుల మెరిట్ రిజర్వేషన్ ఆధారంగా ఎంపిక చేస్తారు. తెలుగు, ఇంగ్లీష్, ఉర్దూ భాషల్లో పరీక్షలు నిర్వహిస్తున్నారు. ఈ పోస్టులకు ఇంటర్వ్యూ ఉండదు. కాగా పస్ట్ పేపర్‌లో సినిమాలకు సంబంధించి ప్రశ్నలు వచ్చాయి. 2024లో ప్రకటించిన 70వ జాతీయ చలనచిత్ర అవార్డుల్లో 2022 సంవత్సరానికి గాను ఉత్తమ డాక్యుమెంటరీ అవార్డు పొందినది ఏది అని ఒక ప్రశ్న వచ్చింది.