కొడుకు తీసుకున్న డబ్బు తిరిగి ఇవ్వలేదని తల్లి కిడ్నాప్

రాజన్న సిరిసిల్ల జిల్లాలో కొడుకు తీసుకున్న డబ్బు తిరిగి ఇవ్వలేదని తల్లిని కిడ్నప్ కిడ్నాప్ చేశారు. వేములవాడ మండలం కొడుముంజలో కొడుకు తీసుకున్న డబ్బు తిరిగి ఇవ్వలేదని మహారాష్ట్రకు చెందిన ఓ గుత్తేదారు అనుచరులు అతడి తల్లిని కిడ్నాప్ చేశారు పల్లపు శ్రీనివాస్ అనే వ్యక్తి చెరకు కోత కూలీలకు మేస్త్రీగా పనిచేస్తున్నారు. మహారాష్ట్రకు చెందిన లాల్ దేవకర్ వద్ద చెరకు కోతకు శ్రీనివాస్ రూ.3లక్షలు తీసుకున్నారు.

కూలీలు రాకపోవడం, డబ్బు తిరిగి ఇవ్వకపోవడంతో ఇటీవల లాల్ దేవకర్, శ్రీనివాస్ మధ్య పలుమార్లు వాగ్వాదం జరిగింది. దేవకర్ అనుచరులు బుధవారం కొడుముంజ గ్రామానికి వచ్చి శ్రీనివాస్ భార్య, అతడి కుటుంబసభ్యులపై దాడి చేశారు. అనంతరం తల్లి పల్లపు బీమాబాయిని కారులో తీసుకెళ్లారు. దీనిపై శ్రీనివాస్ పోలీసులకు ఫిర్యాదు చేశారు. కిడ్నాప్ కేసు నమోదు చేసి దర్యాప్తు చేపట్టిన పోలీసులు. అమానవీయ ఘటన తీవ్ర కలకలం రేపుతోంది.