Telangana: బీజేపీ నియోజక వర్గాల ఇంచార్జ్ లను నిన్న నియమించారు, ఈరోజు షాకిచ్చారు
తెలంగాణ బీజేపీ అసెంబ్లీ ఇంచార్జ్ లుగా బండి సంజయ్ నిన్న 119 మందిని నియమించారు. బీజేపీ తెలంగాణ ఇంచార్జ్ సునీల్ బన్సల్ వారికి ఈ రోజు వారందరికీ షాక్ ఇచ్చారు.
తెలంగాణలో 119 అసెంబ్లీ నియోజకవర్గాలకు బీజేపీ రాష్ట్ర అధ్యక్షుడు బండి సంజయ్ నిన్న ఇంచార్జ్ లను ప్రకటించారు. బీజేపీ తెలంగాణ ఇంచార్జీగా ఇటీవ‌లే ప‌ద‌వీ బాధ్య‌త‌లు చేప‌ట్టిన సునీల్ బన్సల్ ఈ రోజు వారందరికీ షాకిచ్చారు.
అసె‍బ్లీ నియోజక వర్గ ఇంచార్జులంటే ఎన్నికల్లో దాదాపు వారికే ఎమ్మెల్యే టికట్ వస్తుంది. అదే ఆనందంలో ఆ 119 మంది నిన్నటి నుంచీ పండుగ చేసుకుంటున్నారు. కొన్ని చోట్ల వారి అనుచరులకు పార్టీలు కూడా ఇచ్చేశారు. ఇక తమకే టిక్కట్టు దక్కిందన్న సంబురంలో వాళ్ళంతా మునిగితేలుతుండగా వాళ్ళకు షాక్ ఇచ్చే ప్రకటన చేశారు సునీల్ బన్సల్.
అసెంబ్లీ ఇంచార్జ్ లు గా పదవులు దక్కిన వాళ్ళెవ్వరూ ఎన్నికల్లో పోటీ చేయడానికి వీలు లేదంటూ బన్సల్ ప్రకటన చేశారు. దాంతో షాక్ కు గురైన ఇంచార్జ్ లు ఇప్పుడేం చేయాలో అర్దం కాక తలలు పట్టుకుంటున్నారట. కొందరైతే తమను ఇంచార్జ్ లుగా తీసి వేయాలని, మరోకరికి ఆ పదవి ఇవ్వాలంటూ బండి సంజయ్ కి లెటర్స్ రాస్తున్నారట.
