బండి సంజయ్ కి నా సానుభూతి.. రేవంత్ రెడ్డి సెటైర్లు

తెలంగాణ బీజేపీ అధ్యక్షుడు బండి సంజయ్, ప్రజాశాంతి పార్టీ అధ్యక్షుడు కేఏపాల్ కి పెద్ద తేడా లేదని సెటైర్లు పేల్చారు టీపీసీసీ చీఫ్ రేవంత్ రెడ్డి. బండి సంజయ్ వ్యాఖ్యలకు, పాల్ వ్యాఖ్యలకు సారూప్యత ఉందన్నారు. బండి మాటలను సీరియస్ గా పట్టించుకోవాల్సిన పనిలేదన్నారు. ఆయనకు సానుభూతి మాత్రమే తెలపగలమని చెప్పారు. కాంగ్రెస్ మునిగిపోయే నావ అంటూ బండి చేసిన వ్యాఖ్యలకు రేవంత్ కౌంటర్ ఇచ్చారు.

నిరాశలో బండి..

తెలంగాణ బీజేపీ నిరాశలో ఉందన్నారు రేవంత్ రెడ్డి. ఏదో ఆశలో తమ నాయకుల్ని బీజేపీలో చేర్చుకున్నారని, వారికి ఇప్పుడు తత్వం బోధపడిందని చెప్పారు. బండి సంజయ్ నిరాశలో ఉన్నారని, ఏదో మోజులో తమవారిని అటువైపు తిప్పుకున్నారని, ఆ మోజు ఇప్పుడు తీరిపోయిందన్నారు. కర్నాటక ఎన్నికల్లో కూడా కాంగ్రెస్ ని గెలిపించాలని బండి సంజయ్ అన్నారని గుర్తు చేశారు రేవంత్ రెడ్డి. పాల్ లాగే బండి కూడా కామెడీ చేస్తుంటారన్నారు.

అమరుల స్మారకంపై విమర్శలు..

అమరుల స్మారకంపై కనీసం వారి పేర్లు కూడా రాయలేదని మండిపడ్డారు రేవంత్ రెడ్డి. అమరవీరుల స్మారకం నిర్మాణంలో అవినీతి జరిగిందన్నారు. విజిలెన్స్ విచారణ జరిపించాలని డిమాండ్ చేశారు. దశాబ్ది నిరసనలు తెలిపిన తమ నాయకులను అరెస్ట్ చేయడం అన్యాయం అన్నారు రేవంత్ రెడ్డి.