హైదరాబాద్‌కు చేరుకున్న రాష్ట్రపతి ముర్ము

హైదరాబాద్ బేగంపేట ఎయిర్పోర్టుకు భారత రాష్ట్రపతి ద్రౌపది ముర్ము చేరుకున్నారు. రాష్ట్రతికి గవర్నర్ విష్ణుదేవ్ వర్మ, సీఎం రేవంత్ రెడ్డి, డిప్యూటీ సీఎం భట్టి విక్రమార్క, మంత్రి సీతక్క ఘన స్వాగతం పలికారు. అలాగే బీజేపీ కేంద్రమంత్రులు కిషన్ రెడ్డి, బండి సంజయ్ రాష్ట్రపతికి పూల గుచ్ఛం అందించి, స్వాగతం పలికారు.

బేగంపేట ఎయిర్ పోర్టు నుంచి నేరుగా రాజ్ భవన్ కి చేరుకొని అక్కడ కొద్దిసేపు రెస్ట్ తీసుకొని.. ఆ తరువాత అక్కడి నుంచి కోటి దీపోత్సవానికి వెళ్లనున్నారు రాష్ట్రపతి. ఎన్టీఆర్ స్టేడియానికి చేరుకున్న తరువాత భక్తి టీవీ ప్రతిష్టాత్మకంగా నిర్వహిస్తున్న కోటీ దీపోత్సవ కార్యక్రమానికి హాజరు అవుతారు. ఇప్పటివరకు సీఎం, హోంమంత్రులు హాజరయ్యారు. గత ఏడాది ప్రధాని నరేంద్ర మోడీ హాజరయ్యారు. ఈ ఏడాది కేంద్ర రక్షణ మంత్రి రాజ్ నాథ్ సింగ్ కూడా హాజరయ్యారు. తాజాగా రాష్ట్రపతి ద్రౌపది ముర్ము హాజరకానున్నారు.