మునుగోడు ఎన్నికలు: బీజేపీ నాయకుని వద్ద కోటి రూపాయలు పట్టివేత!

మునుగోడు ఉపఎన్నికలో డబ్బుల వరదపారుతోందనే వార్తలు వస్తున్నాయి. పెద్ద నాయకుల నుంచి, చోటా మోటా నాయకుల దాకా లక్షలు వెచ్చించి కొంటున్నారని ఆరోపణలు వస్తున్నాయి. ఓటర్లకు కూడా వేల రూపాయలు ముట్టజెప్తున్నట్టు సమాచారం ఈ నేపథ్యంలో ఓ బీజేపీ నాయకుడి వద్ద కోటి రూపాయలు దొరకడం కలకలం రేగింది.

మునుగోడు ఉప ఎన్నిక నేపథ్యంలో పోలీసులు తీవ్రమైన నిఘా పెట్టారు. ఎక్కడికక్కడ వాహనాలను తనిఖీలు చేస్తున్నారు. ఈ క్రమంలో మునుగోడు మండలం చల్మెడ చెక్ పోస్టు వద్ద పోలీసులు వాహనాలను తనిఖీలు చేస్తుండగా, కరీంనగర్ జిల్లాకు చెందిన బీజేపీ కౌన్సిలర్ భర్త వాహనంలో రూ. కోటి రూపాయల నగదు పట్టుబడింది. ఈ నగదు స్వాధీనం చేసుకున్న పోలీసులు పూర్తి స్థాయిలో విచారిస్తున్నారు. బీజేపీ నాయకుడిని పోలీసులు అదుపులోకి తీసుకున్నారు.