క్రిమినల్ రేవంత్.. మరోసారి కేటీఆర్ సవాల్
ఉస్మానియా చీఫ్ వాడెన్ లెటర్ను ఫోర్జరీ చేసిన క్రిమినల్ రేవంత్ రెడ్డి అని కేటీఆర్ మండిపడ్డారు. తప్పు చేసిన రేవంత్ రెడ్డి బయట తిరుగుతుంటే.. ఎలాంటి తప్పు చేయని క్రిషాంక్ జైలు శిక్ష అనుభవిస్తున్నాడన్నారు.
![క్రిమినల్ రేవంత్.. మరోసారి కేటీఆర్ సవాల్ క్రిమినల్ రేవంత్.. మరోసారి కేటీఆర్ సవాల్](https://www.teluguglobal.com/h-upload/2024/05/08/1325822-ktr-consulted-brs-leader-krishank-in-chanchalguda-jail.webp)
చంచల్గూడ జైలులో ఉన్న బీఆర్ఎస్ నేత క్రిషాంక్ను పరామర్శించారు ఆపార్టీ వర్కింగ్ ప్రెసిడెంట్ కేటీఆర్. ఈ సందర్భంగా మరోసారి సీఎం రేవంత్ రెడ్డికి సవాల్ విసిరారు. "రేవంత్ రెడ్డి నీకు నిజంగా దమ్ముంటే నువ్వు ముందుకురా.. నువ్వు పెట్టిన సర్క్యులర్, క్రిశాంక్ పెట్టిన సర్క్యులర్ నిపుణుల ముందు పెడుదాం. ఏది ఒరిజినల్.. ఏది డూప్లికెట్ అనేది తేలుద్దాం. ఆ తర్వాత ఎవరు చంచల్ గూడ జైళ్లో కూర్చోవాలో కూడా తేలుద్దాం" అన్నారు కేటీఆర్.
క్రిషాంక్ బయట పెట్టిన సర్క్యులర్ తప్పైతే నేను చంచల్ గూడ జైలుకు వెళ్ళడానికి సిద్దం.. నువ్వు పెట్టిన సర్క్యులర్ ఫేక్ అని మేము రుజువు చేస్తే నువ్వు జైలుకు వెళ్ళడానికి సిద్ధమా?
— BRS Party (@BRSparty) May 8, 2024
- రేవంత్ రెడ్డికి సవాల్ విసిరిన బీఆర్ఎస్ వర్కింగ్ ప్రెసిడెంట్ @KTRBRS. pic.twitter.com/Eq0BjbD3tx
తప్పు చేసిన రేవంత్ బయట..
ఉస్మానియా చీఫ్ వాడెన్ లెటర్ను ఫోర్జరీ చేసిన క్రిమినల్ రేవంత్ రెడ్డి అని కేటీఆర్ మండిపడ్డారు. తప్పు చేసిన రేవంత్ రెడ్డి బయట తిరుగుతుంటే.. ఎలాంటి తప్పు చేయని క్రిషాంక్ జైలు శిక్ష అనుభవిస్తున్నాడన్నారు. దీన్నిబట్టే తెలంగాణలో ఎలాంటి వ్యవస్థ ఉందో అర్థం అవుతోందన్నారు కేటీఆర్. క్రిషాంక్ చాలా ధైర్యంగా ఉన్నాడని.. కేసులకు, జైలుకు భయపడేవాన్ని కాదని చెప్పాడన్నారు. ఇప్పటికైనా క్షమాపణ చెప్పి క్రిషాంక్ని విడుదల చేయాలని కేటీఆర్ డిమాండ్ చేశారు. లేదంటే సీఎం రేవంత్ రెడ్డి ముందుకు వచ్చి ఫేక్ సర్క్యులర్పై తన సవాల్ స్వీకరించాలన్నారు.