డిసెంబర్ 19 నుంచి హైదరాబాద్‌ బుక్ ఫెయిర్ ప్రారంభం

హైదరాబాద్‌లో 37వ పుస్తక ప్రదర్శన డిసెంబర్ 19 నుంచి ప్రారంభకానున్నాయి. సోమాజిగూడలోని నిర్వహించిన కార్యక్రమంలో బుక్‌ఫెయిర్‌ అధ్యక్షుడు యాకూబ్‌ మాట్లాడుతూ డిసెంబర్ 19 నుంచి 29 వరకు నిర్వహించనున్నట్టు పుస్తక ప్రదర్శన సొసైటీ తెలిపారు.. ఈసారి నిర్వహించే బుక్‌ ఫెయిర్‌కు ఎమ్మెల్సీ ఆచార్య కోదండరాం, సీనియర్​ ఎడిటర్​ రామచంద్రమూర్తి, ప్రొఫెసర్​ రమా మెల్కొటే గౌరవ సలహాదారులుగా ఉంటారని ఆయన చెప్పారు.

ఈ సందర్భంగా గౌరవ సలహాదారులతో పాటు కమిటీ సభ్యులు పుస్తక ప్రదర్శనకు సంబంధించిన లోగోని వారు ఆవిష్కరించారు. మొత్తంగా 300 స్టాళ్లను ఏర్పాటు చేస్తామని.. ఇందుకోసం త్వరలోనే లాటరీ నిర్వహించనున్నట్టు కమిటీ సభ్యులు వెల్లడించారు. సందర్శకులకు ఇబ్బందులు లేకుండా అవసరమైన ఏర్పాట్లు చేస్తున్నామని చెప్పారు. ప్రజలు పెద్ద ఎత్తున తరలిరావాలని విజ్ఞప్తి చేశారు.మొత్తం 300 స్టాళ్లను ఏర్పాటు చేస్తామని అధ్యక్షుడు యాకూబ్‌ తెలిపారు.