జీవన్‌ దాన్‌ నోడల్‌ ఆఫీసర్‌ గా శ్రీభూషణ్‌ రాజు

నిమ్స్‌ హాస్పిటల్‌ నెఫ్రాలజీ డిపార్ట్‌మెంట్‌ హెడ్‌ డాక్టర్‌ శ్రీభూషణ్‌ రాజును రాష్ట్ర ప్రభుత్వం జీవన్‌దాన్‌ నోడల్‌ ఆఫీసర్‌ గా నియమించింది. కోటి డీఎంఈ ఆఫీస్‌ లో డీఎంఈ డాక్టర్‌ ఎన్‌.వాణి శుక్రవారం నియామకపత్రాన్ని డాక్టర్‌ శ్రీభూషణ్‌ రాజుకు అందజేశారు. ఈ సందర్భంగా ఆయన మాట్లాడుతూ, నెఫ్రాలజీ డిపార్ట్‌మెంట్‌ సీనియర్‌ ప్రొఫెసర్‌ గా కిడ్నీ సంబంధిత వ్యాధిగ్రస్తులకు మెరుగైన ట్రీట్‌ మెంట్‌ చేస్తున్నానని.. జీవన్‌దాన్‌ ద్వారా అర్హులైన వారికి కిడ్నీ రీప్లేస్‌మెంట్‌ సర్జరీలు చేస్తున్నామని తెలిపారు. ఈ ప్రక్రియను వేగవంతం చేయడంతో పాటు మరింత పారదర్శకమైన సేవలందించేలా తాను కృషి చేస్తానని తెలిపారు. జీవన్‌ దాన్‌ నోడల్‌ ఆఫీసర్‌ గా నియమితులైన శ్రీభూషణ్‌ రాజును పలువురు వైద్యులు అభినందించారు.