కాంగ్రెస్ వర్సెస్ బీఆర్ఎస్.. రైతుబంధుపై ఏది నిజం..?
ట్విట్టర్లో మంత్రి కేటీఆర్ను ఉద్దేశించి ట్వీట్ చేసింది. అయితే కాంగ్రెస్ విమర్శలకు కౌంటర్ అటాక్ మొదలుపెట్టింది బీఆర్ఎస్. రైతుబంధుపై కాంగ్రెస్ ఫిర్యాదు చేసిన అంశాన్ని సాక్ష్యాధారాలతో సహ ట్వీట్ చేసింది.
![కాంగ్రెస్ వర్సెస్ బీఆర్ఎస్.. రైతుబంధుపై ఏది నిజం..? కాంగ్రెస్ వర్సెస్ బీఆర్ఎస్.. రైతుబంధుపై ఏది నిజం..?](https://www.teluguglobal.com/h-upload/2023/11/04/850902-congress-brs-social-media-war-on-rythu-bandhu-issue.webp)
రైతుబంధు అంశంపై మరోసారి కాంగ్రెస్, బీఆర్ఎస్ డైలాగ్ వార్ కంటిన్యూ అవుతోంది. ఈసారి సోషల్మీడియా వేదికగా రెండు పార్టీలు పరస్పర ఆరోపణలకు దిగాయి. రైతు బంధు ఆపాలని కాంగ్రెస్ ఎలక్షన్ కమిషన్కు ఫిర్యాదు చేసిందని బీఆర్ఎస్ ఆరోపిస్తున్న విషయం తెలిసిందే. అయితే చీఫ్ ఎలక్షన్ ఆఫీసర్ శుక్రవారం మాట్లాడుతూ రైతుబంధుకు సంబంధించి ఎలాంటి ప్రతిపాదనలు రాలేదని, దానిపై పూర్తి సమాచారం లేదని చెప్పారు. దీంతో కాంగ్రెస్ బీఆర్ఎస్ను టార్గెట్ చేసింది.
ట్విట్టర్లో మంత్రి కేటీఆర్ను ఉద్దేశించి ట్వీట్ చేసింది. అయితే కాంగ్రెస్ విమర్శలకు కౌంటర్ అటాక్ మొదలుపెట్టింది బీఆర్ఎస్. రైతుబంధుపై కాంగ్రెస్ ఫిర్యాదు చేసిన అంశాన్ని సాక్ష్యాధారాలతో సహ ట్వీట్ చేసింది. రైతుబంధు ఆపాలంటూ కేంద్ర ఎన్నికల కమిషన్కు కాంగ్రెస్ రాసిన లేఖను ట్విట్టర్లో ఉంచింది. సీఈవో వికాస్ రాజ్ మాట్లాడిన మాటను కూడా తప్పుగా ప్రచారం చేస్తున్నారంటూ ఆయన వీడియోను సైతం బీఆర్ఎస్ ట్విట్టర్లో ఉంచింది.
ఏమి రా కేటీఆర్ నీ వల్ల రాష్టానికి ఉపయోగం? @KTRBRS
— Telangana Congress (@INCTelangana) November 3, 2023
ఎలక్షన్ కమిషన్ నిన్ను చెప్పు తీసుకొని కొట్టినంత పని అయిపాయే!!
మీరు ఎన్ని అబద్ధాలు ఆడిన, BRS ఓడిపోవడం పక్కా!! pic.twitter.com/eV8D5OKIMT
రైతుబంధుకు సంబంధించి మీడియా ప్రశ్న అడగ్గా.. పూర్తి వివరాలు తన దగ్గర లేవని చెప్పారని తెలిపింది. కేంద్ర ఎన్నికల సంఘానికి రైతుబంధుపై ఫిర్యాదు చేసిన టైంలో ఉత్తమ్ మాట్లాడిన వీడియోను సైతం బీఆర్ఎస్ పోస్టు చేసింది. మాణిక్ రావు ఠాక్రే రాసిన లేఖ అబద్ధమా..లేక మీ ఎంపీ మాట్లాడింది అబద్ధమా అంటూ కాంగ్రెస్ను ప్రశ్నించింది
ఇంత నిర్లజ్జగా అబద్ధాలు చెప్పడం స్కాంగ్రెస్ పార్టీకే సాధ్యమైంది
— BRS Party (@BRSparty) November 3, 2023
వ్యక్తిత్వ హననంలోకి దిగాలంటే మేము కూడా అదే భాష వాడగలము.
రైతుబంధు ఆపాలని కేంద్ర ఎన్నికల కమిషన్ కు మీరు రాసిన లేఖ సాక్ష్యం ఉండగా కూడా అబద్ధాలు ఆడుతున్నారు.
మీరు లేఖ రాసింది కేంద్ర ఎన్నికల సంఘానికి. ఇక్కడ ప్రెస్ మీట్… https://t.co/HjWrGxuaYq pic.twitter.com/R8duo9gKHF
ఇక కాంగ్రెస్ తన ట్వీట్లో ఉపయోగించిన భాషపై అభ్యంతరం వ్యక్తం చేసింది బీఆర్ఎస్. వ్యక్తిత్వ హననంలోకి దిగాలంటే మేము కూడా అదే భాష వాడగలమంటూ మండిపడింది బీఆర్ఎస్. బ్రోకర్ అధ్యక్షుడయ్యాక సిగ్గులజ్జా అన్ని వదిలేసినట్టున్నారంటూ విమర్శించింది.