విరామం లేని ప్రయాణం.. నేడు కూడా 4 నియోజకవర్గాల్లో కేసీఆర్ సభలు
ఈరోజు 4 నియోజకవర్గాల్లో పర్యటించే కేసీఆర్, రేపు కూడా 4చోట్ల సభలకు హాజరవుతారు. ఈనెల 18న జనగామలో ఒకే ఒక్క సభ ఉంటుంది.
ఈనెల 13నుంచి రెండో విడత ప్రచారాన్ని ప్రారంభించిన సీఎం కేసీఆర్ రోజుకి నాలుగు సభలతో హోరెత్తిస్తున్నారు. బుధవారం నాలుగు సభల్లో ఆయన పాల్గొన్నారు. బోధన్, నిజామాబాద్ అర్బన్, ఎల్లారెడ్డి, మెదక్ నియోకవర్గాల్లో ఆయన పర్యటించారు. ప్రజా ఆశీర్వాద సభల్లో పాల్గొన్నారు. ఈరోజు కూడా నాలుగు చోట్ల సీఎం కేసీఆర్ సభలు జరుగుతాయి. ఈరోజు ఆదిలాబాద్, బోథ్, నిజామాబాద్ రూరల్, నర్సాపూర్ నియోజకవర్గాల్లో కేసీఆర్ ప్రజా ఆశీర్వాద సభల్లో పాల్గొంటారు.
రోజుకు నాలుగు చోట్ల సభలంటే మాటలు కాదు. నాలుగు ప్రాంతాలకు హెలికాప్టర్లలోనే ప్రయాణం. కొన్నిసార్లు హెలికాప్టర్లు మొరాయిస్తున్నా.. కేసీఆర్ మాత్రం సభలను వాయిదా వేయడం లేదు. నిన్న మెదక్ సభ తర్వాత కూడా హెలికాప్టర్ ట్రబుల్ ఇచ్చింది, కానీ ఈ రోజు షెడ్యూల్ లో మార్పులేవీ లేకుండానే ఆయన ముందుకు కదులుతున్నారు. నాలుగు సభల్లో పాల్గొనబోతున్నారు. ఇప్పటికే దాదాపు 70 నియోజకవర్గాలను సీఎం కేసీఆర్ కవర్ చేశారు.
ఈరోజు 4 నియోజకవర్గాల్లో పర్యటించే కేసీఆర్, రేపు కూడా 4చోట్ల సభలకు హాజరవుతారు. ఈనెల 18న జనగామలో ఒకే ఒక్క సభ ఉంటుంది. ఆ తర్వాత కూడా రోజుకి 4 సభలు జరుగుతాయి. ఈనెల 25న హైదరాబాద్ లో భారీ బహిరంగ సభ ఉంటుంది. ఈనెల 28న గజ్వేల్ తో సీఎం కేసీఆర్ ప్రచార సభలు పూర్తవుతాయి.
