యంగ్ ఇండియా పోలీస్ స్కూల్ భవనానికి సీఎం శ్రీకారం
రంగారెడ్డి జిల్లా మంచిరేవులలో యంగ్ ఇండియా పోలీస్ స్కూల్ భవనానికి సీఎం రేవంత్‌రెడ్డి శ్రీకారం చుట్టారు.
రంగారెడ్డి జిల్లా మంచిరేవులలో యంగ్ ఇండియా పోలీస్ స్కూల్‌కు ముఖ్యమంత్రి రేవంత్‌రెడ్డి శంకుస్థాపన చేశారు. అంతర్జాతీయ ప్రమాణాలతో పోలీసుల పిల్లలకు విద్యా అందించేందుకు తెలంగాణ సర్కార్ ఈ స్కూల్‌ను ఏర్పాటు చేస్తోంది. పోలీసులు, ఎక్సైజ్‌, ఫైర్‌, ఎస్‌పీఎఫ్‌ ఉద్యోగుల పిల్లలు ఇక్కడ విద్యనభ్యసించనున్నారు. కాగా వచ్చే విద్యా సంవత్సరం నుంచి 1-5వ తరగతులతో ఈ స్కూల్ ప్రారంభం కానుంది. ప్రతి ఏడాది ఒక్కో తరగతి పెంచుకుంటూ.. డిగ్రీ వరకు నాణ్యమైన, అత్యుత్తమ ప్రమాణాలతో పోలీసుల పిల్లలకు విద్యను అందించనున్నారు. ఈ కార్యక్రమంలో మంత్రి శ్రీధర్‌ బాబు, ప్రభుత్వ ప్రధాన కార్యదర్శి శాంతి కుమారి, డీజీపీ జితేందర్‌ తదితరులు పాల్గొన్నారు.
Next Story
