ఆ బౌలర్‌ను ప్రశంసిస్తూ కేటీఆర్‌ ట్వీట్‌

వెస్టిండీస్‌ క్రికెట్‌ సంచలనం షమార్‌ జోసఫ్‌పై ప్రశంసలు కురిపించారు బీఆర్ఎస్ వర్కింగ్ ప్రెసిడెంట్ కేటీఆర్. జోసఫ్‌ను మెచ్చుకుంటూ ట్వీట్ చేశారు. షమార్‌ జోసఫ్‌ది అద్భుతమైన కథ అన్న కేటీఆర్‌.. ఈ విండీస్‌ సంచలనాన్ని ఎదుర్కొనేందుకు క్రికెట్‌ ప్రపంచం రెడీగా ఉండాలన్నారు.

బ్రిస్బేన్‌ వేదికగా ఆస్ట్రేలియాను ఆ దేశ సొంత గడ్డపై విండీస్ ఓడించిన మ్యాచ్ హైలైట్స్‌ను చూశానన్నారు కేటీఆర్. ఫాస్ట్ బౌలర్లు ఒక లయలో బౌలింగ్ చేసినప్పుడు చూడడం నిజంగా అద్భుతం అన్నారు.

ఆస్ట్రేలియాలో పర్యటించిన విండీస్‌ జట్టు రెండు టెస్టుల సిరీస్‌ను 1-1 తేడాతో సమం చేసింది. బ్రిస్బేన్‌ వేదికగా జరిగిన రెండో టెస్టు మ్యాచులో 8 పరుగుల తేడాతో విండీస్ ఆస్ట్రేలియాను ఓడించింది. ఈ మ్యాచ్‌లో బోటన వేలి గాయంతో బాధపడుతూనే షమార్ జోసఫ్‌ ఆస్ట్రేలియాను చావు దెబ్బ తీశాడు. 7 వికెట్ల తీసి కంగారూల పతనాన్ని శాసించాడు. 1997 తర్వాత ఆస్ట్రేలియాను వారి సొంత గ‌డ్డ‌పై ఓడించడం విండీస్‌కు ఇదే తొలిసారి.