రాష్ట్రంలో వైద్య పరిస్థితులపై బీఆర్‌ఎస్‌ కమిటీ
డాక్టర్‌ రాజయ్య, సంజయ్‌, ఆనంద్‌ తో కమిటీ ఏర్పాటు చేసిన పార్టీ
తెలంగాణలో దిగజారిన వైద్య ఆరోగ్య స్థితిగతులు, ప్రభుత్వ ఆస్పత్రుల్లో నెలకొన్న పరిస్థితులను అధ్యయనం చేయడానికి బీఆర్‌ఎస్‌ ఫ్యాక్ట్ ఫైండింగ్‌ కమిటీ ఏర్పాటు చేసింది. మాజీ మంత్రి డాక్టర్‌ రాజయ్య అధ్యక్షతన ఏర్పాటు చేసిన ఈ కమిటీలో ఎమ్మెల్యే డాక్టర్‌ కల్వకుంట్ల సంజయ్‌, మాజీ ఎమ్మెల్యే మెతుకు ఆనంద్‌ సభ్యులుగా ఉంటారు. గాంధీ హాస్పిటల్‌ లో ఒక్క నెలలో పెద్ద సంఖ్యలో శిశువులు మృతిచెందడం, రాష్ట్రంలో దుర్బరమైన వైద్య పరిస్థితులపై ఈ కమిటీ అధ్యయనం చేయనుంది. గాంధీ హాస్పిటల్‌ లో నెలకొన్న దుర్భర పరిస్థితులు, పెద్ద సంఖ్యలో మాతాశిశు మరణాలపై బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ ఆందోళన వ్యక్తం చేశారు. దీనిపై రాష్ట్ర ప్రభుత్వం స్పందించకపోగా ఎదురుదాడికి దిగింది. ఈ నేపథ్యంలో గాంధీ హాస్పిటల్‌ తో పాటు రాష్ట్రంలోని అన్ని హాస్పిటళ్లలో పరిస్థితులపై నిజనిర్దారణ కమిటీ ఏర్పాటు చేస్తామని ప్రకటించారు. ఈ నేపథ్యంలో పార్టీ ఆధ్వర్యంలో డాక్టర్‌ రాజయ్య కమిటీని ఏర్పాటు చేశారు.
