కంటి వెలుగు విజయం వెనుక ‘BEST’
ఇప్పటికే ఉన్న ప్రామాణిక పద్దతులను అనుసరించడం ద్వారా సాధారణ కంటి స్క్రీనింగ్ పరీక్షను నిర్వహించాలంటే ఒక వ్యక్తికి కనీసం 10 నుండి 15 నిమిషాలు పడుతుంది. కంటి వెలుగును అమలు చేయడానికి ఆ పద్దతిని అనుసరించడం, 100 పని దినాలలో 1.5 కోట్ల మంది వ్యక్తులను పరీక్షించడం అసాధ్యం.
తెలంగాణ రాష్ట్ర ఆరోగ్య శాఖ సహకారంతో ఎల్‌వి ప్రసాద్ ఐ ఇనిస్టిట్యూట్ (LVPEI) పరిశోధకులు అభివృద్ధి చేసిన బేసిక్ ఐ స్క్రీనింగ్ టెస్ట్ (BEST) తెలంగాణ ప్రభుత్వం అమలు చేస్తున్న కంటి వెలుగు కార్యక్రమం భారీ విజయం వెనుక ఉన్న రహస్యం.
తెలంగాణలో కంటి వెలుగు పథకం ప్రారంభించక ముందు దేశంలో ఏ రాష్ట్రంలోనూ ఇంత పెద్ద ఎత్తున కంటివెలుగు కార్యక్రమాన్ని చేపట్టే ప్రయత్నం చేయలేదు. ఇప్పటికే ఉన్న ప్రామాణిక పద్దతులను అనుసరించడం ద్వారా సాధారణ కంటి స్క్రీనింగ్ పరీక్షను నిర్వహించాలంటే ఒక వ్యక్తికి కనీసం 10 నుండి 15 నిమిషాలు పడుతుంది. కంటి వెలుగును అమలు చేయడానికి ఆ పద్దతిని అనుసరించడం, 100 పని దినాలలో 1.5 కోట్ల మంది వ్యక్తులను పరీక్షించడం అసాధ్యం.
ఈ సమస్యను పరిష్కరించడానికి తెలంగాణకు చెందిన సీనియర్ ఆరోగ్య అధికారులు LVPEIకి చెందిన పబ్లిక్ ఐ హెల్త్ పరిశోధకుడు డాక్టర్ శ్రీనివాస్ మర్మములతో కలిసి ప్రాథమిక ఐ స్క్రీనింగ్ టెస్ట్ (బెస్ట్)ని రూపొందించారు.
“ ఇది తక్కువ ఖర్చుతో కూడుకున్నది, టెస్ట్ కు కేవలం 2 నుండి 3 నిమిషాలు మాత్రమే పడుతుంది. ప్రత్యేకంగా, ఇది సామూహిక కమ్యూనిటీ స్క్రీనింగ్ ప్రోగ్రామ్‌లకు ఉపయోగపడుతుంది. ఇది దూరం, సమీప దృష్టిని అంచనా వేయడమే కాకుండా, పేటరీజియం, కార్నియల్ స్కార్స్ మొదలైన బాహ్య రుగ్మతల గురించి సమాచారాన్ని అందిస్తుంది, ” అని ఇండియన్ జర్నల్ ఆఫ్ ఆప్తాల్మాలజీలో ప్రచురించిన బెస్ట్ అనే పేపర్‌లో డాక్టర్ శ్రీనివాస్ చెప్పారు.
తెలంగాణ ప్రభుత్వ చొరవతో తయారు చేసిన ఈ BEST ఇప్పుడు ఆంధ్రప్రదేశ్, న్యూఢిల్లీ, హర్యానా ప్రభుత్వాలు కూడా వినియోగించుకుంటున్నాయి.
BEST ప్రత్యేక లక్షణం ఏమిటంటే, ASHA (అక్రెడిడేటెడ్ సోషల్ హెల్త్ యాక్టివిస్ట్), ఆక్సిలరీ నర్సింగ్ మిడ్‌వైఫరీ (ANM), ఇతర అట్టడుగు స్థాయి ఆరోగ్య కార్యకర్తలు కేవలం రెండు గంటల శిక్షణ పొంది కంటి పరీక్షల‌ను చేయవచ్చు.
