తెలంగాణలో కేసీఆర్ హ్యాట్రిక్.. ఏబీపీ సీఓటర్ ఫైనల్ సర్వే

తెలంగాణలో బీఆర్ఎస్ మరోసారి అధికారంలోకి రాబోతోందని ఏబీపీ సీఓటర్ సర్వే తేల్చి చెప్పింది. ఎన్నికల సీజన్ మొదలయ్యాక ఇది ఫైనల్ సర్వేగా ఏబీపీ సంస్థ పేర్కొంది. ఈ ఫైనల్ సర్వే ఫలితాలు కాసేపటి క్రితమే విడుదల చేశారు. కాంగ్రెస్, బీఆర్ఎస్ మధ్య టఫ్ ఫైట్ ఉంటుందనే అంచనాల నేపథ్యంలో అధికారం చేపట్టేది, ప్రభుత్వం ఏర్పాటు చేసేది మాత్రం బీఆర్ఎస్సేనని తేల్చేసింది ఏబీపీ.

తెలంగాణలో మొత్తం స్థానాలు 119

బీఆర్ఎస్ 49-61

కాంగ్రెస్ 43-55

బీజేపీకి 5-11

తెలంగాణలో అధికారం చేపట్టాలంటే 60మంది ఎమ్మెల్యేల బలం ఉండాలి. ఆ మేజిక్ ఫిగర్ ని బీఆర్ఎస్ సాధిస్తుందని సునాయాసంగా ప్రభుత్వాన్ని ఏర్పాటు చేస్తుందని ఏబీపీ సీఓటర్ సర్వే తేల్చింది.

తెలంగాణలో అత్యథికంగా 41 శాతం ఓట్లు బీఆర్ఎస్ కి పడతాయని ఏబీపీ సర్వే తేల్చింది. ఆ తర్వాత కాంగ్రెస్ 39 శాతం వరకు ఓట్లు సాధిస్తుందని, బీజేపీ 14 శాతం దగ్గరే ఆగిపోతుందని తెలిపింది. తెలంగాణకు ముఖ్యమంత్రిగా ఎవరికి ఓటు వేస్తారు అనే ప్రశ్నకు మెజార్టీ ప్రజలు కేసీఆర్ కే జై కొట్టారని తెలిపింది. అక్టోబర్ 9 నుంచి నవంబర్ 3 వరకూ ఒపీనియన్ పోల్ నిర్వహించి ఈరోజు ఆ సర్వే రిపోర్ట్ ఈరోజు విడుదల చేసింది ఏబీపీ.