కొత్త ప్రాసెసర్‌‌తో రియల్‌మీ జీటీ 6టీ ఫోన్ రిలీజ్! ఫీచర్లివే..
ప్రముఖ స్మార్ట్‌ఫోన్ బ్రాండ్ రియల్‌మీ నుంచి ‘రియల్‌మీ జీటీ 6టీ’ మొబైల్ లాంఛ్ అయింది. ఈ మొబైల్ ధర, ఫీచర్ల వివరాల్లోకి వెళ్తే.
ప్రముఖ స్మార్ట్‌ఫోన్ బ్రాండ్ రియల్‌మీ నుంచి ‘రియల్‌మీ జీటీ 6టీ’ మొబైల్ లాంఛ్ అయింది. ఈ మొబైల్ ధర, ఫీచర్ల వివరాల్లోకి వెళ్తే..
రియల్‌మీ జీటీ 6టీ ఫోన్ ఇటీవలే ఇండియాలో రిలీజ్ అయింది. క్వాల్‌కామ్‌ స్నాప్‌డ్రాగన్‌ 7+ జెన్‌ 3 అనే కొత్త ప్రాసెసర్‌పై ఈ ఫోన్ పనిచేస్తుంది. ఈ ప్రాసెసర్‌‌తో తయారైన మొదటి ఫోన్ ఇదే.
రియల్‌మీ జీటీ 6టీ ఆండ్రాయిడ్‌ 14 బేస్డ్ యూఐ 5 ఓఎస్‌పై రన్ అవుతుంది. ఇందులో 6.78 అంగుళాల ఫుల్‌ హెచ్‌డీ+ ఎల్‌టీపీవో అమోలెడ్ డిస్‌ప్లే ఉంటుంది. ఇది 120హెర్ట్జ్ రీఫ్రెష్‌ రేటుని సపోర్ట్ చేస్తుంది. 6000 నిట్స్‌ పీక్ బ్రైట్‌నెస్‌ అందిస్తుంది. అంటే డే టైంలో అవుట్ డోర్స్‌లో కూడా స్క్రీన్ స్పష్టంగా కనిపిస్తుంది.
రియల్‌మీ జీటీ 6టీ కెమెరాల విషయానికొస్తే.. ఇందులో సోనీ ఎల్‌వైటీ-600 సెన్సర్‌తో కూడిన 50 మెగాపిక్సెల్ ప్రైమరీ కెమెరాతో పాటు మరో 8 ఎంపీ అల్ట్రావైడ్ యాంగిల్ కెమెరా ఉంది. ముందువైపు 32 ఎంపీ సెల్ఫీ కెమెరా ఉంటుంది. ఈ మొబైల్ లో 120 వాట్ సూపర్‌వూక్‌ ఫాస్ట్ ఛార్జింగ్‌ను సపోర్ట్ చేసే 5,500 ఎంఏహెచ్ బ్యాటరీ ఉంటుంది. పది నిమిషాల్లో 50 శాతం ఛార్జ్‌ అవుతుందని కంపెనీ చెప్తోంది.
రియల్‌మీ జీటీ 6టీ లో 5జీ కనెక్టివిటీ, వైఫై 6, బ్లూటూత్‌ 5.4, జీపీఎస్‌, డ్యుయల్ నానో సిమ్, యూఎఫ్ ఎస్ 3.1 స్టోరేజ్, డాల్బీ అట్మాస్ స్పీకర్స్ వంటి ఫీచర్లున్నాయి. మూడేళ్లపాటు ఓఎస్ అప్‌డేట్స్, నాలుగేళ్ల పాటు సెక్యూరిటీ అప్‌డేట్లు వస్తాయని కంపెనీ చెప్తోంది.
మొబైల్ ధరల విషయానికొస్తే.. 8జీబీ+128జీబీ వేరియంట్ ధర - రూ.30,999, 8జీబీ+256జీబీ ధర రూ. 32,999, 12జీబీ+256జీబీ ధర - రూ.35,999, 12జీబీ+512జీబీ - ధర రూ.39,999గా ఉన్నాయి. ఫ్లుయిడ్‌ సిల్వర్‌, రేజర్‌ గ్రీన్‌ కలర్స్ లో అందుబాటులో ఉంది. మే 29 నుంచి రియల్‌మీ ఆన్‌లైన్ స్టోర్, అమెజాన్‌లో ఫోన్ అందుబాటులో ఉంటుంది. బ్యాంక్ డిస్కౌంట్లతో రూ. 6000 వరకూ ధర తగ్గే ఛాన్స్ ఉంది.
