రియల్‌మీ నుంచి ఎంట్రీ లెవల్ ఫోన్! ఫీచర్లివే..

ప్రముఖ మొబైల్ బ్రాండ్ రియల్‌మీ.. ‘రియల్‌మీ సీ63(Realme C63)’ పేరుతో ఓ ఎంట్రీ లెవల్‌ స్మార్ట్ ఫోన్‌ను రిలీజ్ చేసింది. ఈ మొబైల్ ఫీచర్లు, ధర వివరాల్లోకి వెళ్తే..

రియల్‌మీ సీ63 మొబైల్ జులై 3 న ఇండియన్ మార్కెట్లో లాంఛ్ అయింది. ఈ ఫోన్‌.. యూనిసాక్‌ టీ612 ప్రాసెసర్‌పై పనిచేస్తుంది. ఆండ్రాయిడ్‌ 14 బేస్డ్ రియల్‌మీ యూఐ 5.0 పై రన్ అవుతుంది.

రియల్‌మీ సీ63 మొబైల్ కెమెరాల విషయానికొస్తే ఇందులో వెనుక వైపు 50 ఎంపీ కెమెరాతో పాటు మరో సెకండరీ డెప్త్ సెన్సర్, ముందువైపు 8 ఎంపీ సెల్ఫీ కెమెరా ఉంటాయి. ఇందులో 6.74 అంగుళాల హెచ్‌డీ ప్లస్‌ డిస్‌ప్లే ఉంటుంది. ఇది 90 హెర్ట్జ్ రీఫ్రెష్ రేటుని సపోర్ట్ చేస్తుంది. కెపాసిటివ్ టచ్, మల్టీ టచ్ వంటి ఫీచర్లున్నాయి. 450 నిట్స్ బ్రైట్‌నెస్ తో వస్తుంది.

రియల్‌మీ సీ63 మొబైల్ లో 45 వాట్ ఫాస్ట్‌ ఛార్జింగ్‌కు సపోర్ట్‌ చేసే 5000 ఎంఏహెచ్‌ బ్యాటరీ ఉంటుంది. కేవలం ఒక నిమిషం పాటు ఛార్జ్ చేసి గంట పాటు కాల్‌ మాట్లాడొచ్చని కంపెనీ చెప్తోంది. ఇకపోతే ఈ మొబైల్ డిజైన్ చాలా ప్రీమియంగా ఉంటుంది. వెనుకవైపు ఐఫోన్‌ తరహా కెమెరా డిజైన్ ఉంటుంది. బ్యాక్ ప్యానెల్ లెదర్‌ డిజైన్‌తో వస్తుంది. ఇందులో ఎయిర్‌గెశ్చర్స్‌, రెయిన్‌ వాటర్‌ స్మార్ట్‌టచ్‌, ఐపీ54 స్ప్లాష్ ప్రూఫ్, డ్యుయల్ నానో సిమ్,3.5 ఎంఎం ఆడియో జాక్, 4జీ ఎల్ టీఈ, వైఫై 5, బ్లూటూత్ 5.0 వంటి ఫీచర్లున్నాయి.

రియల్‌మీ సీ63 (4జీబీ+128జీబీ) వేరియంట్ ధర రూ.8,999 ఉంది. జేడ్ గ్రీన్‌, లెదర్ బ్లూ రంగుల్లో లభిస్తుంది. ఫ్లిప్‌కార్ట్‌, రియల్‌మీ ఆన్‌లైన్ స్టోర్లతో పాటు రిటైల్‌స్టోర్లలో కూడా లభిస్తుంది.