రాయ్ పూర్ వ‌న్డేలో కివీస్ పై భారత్ ఘన విజయ‍ం...2.౦ తో సిరీస్ కైవసం

హైదరాబాద్ లో జరిగిన మొదటి వండే లో న్యూజిలాండ్ పై విజయం సాధించిన భారత్, రాయ్ పూర్ లో జరిగిన రెండో వండే లో అదే జోరు కొనసాగించింది. ఈ రోజు జరిగిన రెండొ వన్డేలో 8 వికెట్ల తేడాతో ఘనవిజయం సాధించింది.

మొదట బ్యాటింగ్ చేసిన న్యూజిలాండ్ ఆటగాళ్ళు భారత్ బౌలర్ల ధాటికి 108 పరుగులకే ఆలౌట్ అయ్యారు. అనంతరం బ్యాటింగ్ చేపట్టిన భారత్ 20.1 ఓవర్లలో 2 వికెట్లు కోల్పోయి లక్ష్యాన్ని సాదించింది.

కెప్టెన్ రోహిత్ శర్మ అర్ధ సెంచరీతో రాణించాడు.ఆయన‌ 50 బంతుల్లో 7 ఫోర్లు, 2 సిక్సర్లతో 51 పరుగులు చేసి టాప్ స్కోరర్‌గా నిలవగా, మరో ఓపెనర్ శుభమన్ గిల్ 40 పరుగులతో నాటౌట్‌గా నిలిచాడు. కోహ్లీ 11 పరుగులు చేసి అవుటయ్యాడు.

రెండు వండేల్లో విజయం సాధించిన భారత్ 2-0తో సిరీస్ ను స్వంతం చేసుకుంది. ఇక నామ మాత్రంగా మారిన చివరి వన్డే ఈ నెల 24న ఇండోర్‌లోని హోల్కార్ క్రికెట్ స్టేడియంలో జరగుతుంది.