లోయలో పడిన టెంపో.. 10 మంది మృతి – మరో 15 మందికి గాయాలు
ప్రయాణికులతో వెళుతున్న టెంపో అదుపు తప్పి లోయలో పడిన ఘటనలో 10 మంది ప్రాణాలు కోల్పోయారు.
ప్రయాణికులతో వెళుతున్న టెంపో అదుపు తప్పి లోయలో పడిన ఘటనలో 10 మంది ప్రాణాలు కోల్పోయారు. శనివారం ఉదయం 11.30 గంటల సమయంలో ఉత్తరాఖండ్‌లో ఈ ఘోర ప్రమాదం చోటుచేసుకుంది. దీనికి సంబంధించి పోలీసులు తెలిపిన వివరాలిలా ఉన్నాయి. 23 మంది ప్రయాణికులతో రుద్ర ప్రయాగ్‌ వైపుగా వెళుతున్న టెంపో అదుపుతప్పి లోయలో పడిపోయింది.
ఆ లోయ దాదాపు 150–200 మీటర్ల లోతు ఉంటుంది. రైటోలి సమీపంలో రిషికేశ్‌– బద్రీనాథ్‌ హైవేపై ఈ ప్రమాదం చోటుచేసుకొంది. ఈ ప్రమాదంలో 10 మంది ప్రాణాలు కోల్పోగా.. 15 మందికి తీవ్ర గాయాలయ్యాయి. వాహనం లోయలోని అలనంద నదిలో పడిపోయినట్లు తెలుస్తోంది.
ఈ ఘటనపై సమాచారం అందుకున్న రెస్క్యూ బృందం వెంటనే ఘటనాస్థలికి చేరుకుంది.
స్థానికుల సహకారంతో సహాయక చర్యలు చేపట్టింది. క్షతగాత్రులను వారు స్థానిక ఆస్పత్రికి తరలించారు. వీరిలో కొందరి పరిస్థితి విషమంగా ఉన్నట్లు తెలుస్తోంది. ఈ ప్రమాద ఘటనపై స్పందించిన ముఖ్యమంత్రి పుష్కర్‌ సింగ్‌ ధామి విచారం వ్యక్తంచేశారు.
