ఎండాకాలంలో చేయాల్సినవి, చేయకూడనివి
రోజురోజుకు ఎండలు మండిపోతున్నాయి. మధ్యాహ్నం తీవ్రత మరీ ఎక్కువగా ఉంటోంది. ఈ నేపథ్యంలో ఎండల నుంచి కాపాడుకునేందుకు తగిన జాగ్రత్తలు తీసుకోవాలంటున్నారు డాక్టర్లు.
రోజురోజుకు ఎండలు మండిపోతున్నాయి. మధ్యాహ్నం తీవ్రత మరీ ఎక్కువగా ఉంటోంది. ఈ నేపథ్యంలో ఎండల నుంచి కాపాడుకునేందుకు తగిన జాగ్రత్తలు తీసుకోవాలంటున్నారు డాక్టర్లు. జనాల్లో అవగాహన కోసం పలు సూచనలు చేస్తున్నారు.
చేయాల్సినవి:
* ప్రయాణంలో మంచినీళ్లు వెంట తీసుకెళ్లాలి
* కాటన్‌ దుస్తులు ధరించాలి
* చెవుల్లోకి వేడిగాలి వెళ్లకుండా జాగ్రత్త పడాలి
* ఎండదెబ్బ తగలకుండా క్యాప్‌, గొడుగు, టవల్‌ వాడాలి
* లైట్‌ ఫుడ్‌ తీసుకోవాలి
* తరచూ నిమ్మరసం, మజ్జిగ, పండ్ల రసాలు తాగాలి
* ఎండదెబ్బకు గురైతే ORS లేదంటే లీటరు నీటిలో కొంచెం ఉప్పు, చక్కెర కలుపుకుని తాగాలి
* అత్యవసరం అనుకుంటే త్వరగా హాస్పిటల్‌కు వెళ్లాలి
చేయకూడనివి:
* అత్యవసరమైతే తప్ప మధ్యాహ్నం 12 గంటల నుంచి 3 గంటల వరకు బయటకు వెళ్లొద్దు
* నల్లటి దుస్తులు వేసుకోవద్దు
* మద్యం, టీ, కాఫీ ఎక్కువగా తాగొద్దు
* దాహం వేసినప్పుడు కూల్‌డ్రింక్స్‌ తాగొద్దు
* మాంసాహారం, నిల్వ ఉన్న ఆహారం తినొద్దు
* చిన్నపిల్లలు, గర్భిణులు, వృద్ధులు ఎండలోకి వెళ్లొద్దు
* గుండె జబ్బులు, షుగర్‌, బీపీ ఉన్నవాళ్లు ఎండలో తిరగొద్దు
