Sundaram Master - రవితేజ నిర్మాతగా మరో సినిమా రెడీ
Viva Harsha's Sundaram Master - వైవా హర్ష లీడ్ రోల్ లో నటిస్తున్న సినిమా సుందరం మాస్టర్. రవితేజ ఈ సినిమాను నిర్మిస్తున్నాడు. తాజాగా ఫస్ట్ లుక్ రిలీజ్ చేశారు.
రవితేజ ఆల్రెడీ నిర్మాతగా మారిన సంగతి తెలిసిందే. దీని కోసం అతడు ఆర్టీ టీమ్ వర్క్స్ అనే బ్యానర్ స్థాపించాడు. తన ప్రతి సినిమాకు ఈ బ్యానర్ ను సహ-నిర్మాతగా యాడ్ చేస్తున్నాడు. మరోవైపు ఓ కొత్త టీమ్ ను పెట్టుకున్నాడు. వాళ్లు రకరకాల కథలు విని, అందులోంచి మంచి స్టోరీస్ సెలక్ట్ చేస్తారు. దానికి రవితేజ గ్రీన్ సిగ్నల్ ఇస్తాడు. అలా ఆర్టీ టీమ్ వర్క్స్ బ్యానర్ పై సినిమాలు వస్తుంటాయి
ఇప్పటికే ఈ బ్యానర్ పై మట్టికుస్తీ అనే సినిమా వచ్చింది. తెలుగు-తమిళ భాషల్లో ఏకకాలంలో విడుదలైన ఆ సినిమాకు యావరేజ్ టాక్ వచ్చింది. ఇప్పుడు ఆర్టీ టీమ్ వర్క్స్ పై మరో సినిమా రెడీ అయింది. ఈ సినిమా పేరు సుందరం మాస్టర్.
వైవా హర్ష, దివ్య శ్రీపాద ప్ర‌ధాన తారాగ‌ణంగా తెరకెక్కిన ఈ సినిమాతో క‌ళ్యాణ్ సంతోష్ దర్శ‌క‌ుడిగా పరిచయమౌతున్నాడు. సుందరం అనే టీచర్ చుట్టూ నడిచే కథే ఇది. తను గవర్నమెంట్ టీచర్. సోషల్ స్టడీస్ బోధిస్తుంటాడు. అయితే మిర్యాలమెట్ట అనే మారుమూల పల్లెలో ఇంగ్లీష్ టీచర్‌గా వెళ్లాల్సిన ప‌రిస్థితి వ‌స్తుంది.
అందులో అన్ని వ‌య‌సుల‌వారు ఇంగ్లీష్ నేర్చుకోవ‌టానికి విద్యార్థులుగా వ‌స్తారు. మ‌రి సుందరం మాస్టార్ వారికెలా ఇంగ్లీష్‌ను బోధించాడు అనేది సినిమా కథ.
సుధీర్ కుమార్ కుర్రుతో క‌లిసి రవితేజ నిర్మిస్తున్న ఈ సినిమా నుంచి ఫస్ట్ లుక్ రిలీజ్ చేశారు. శ్రీచ‌ర‌ణ్ పాకాల సంగీతం అందిస్తున్నాడు. త్వరలోనే మూవీ రిలీజ్ డేట్ ను ప్రకటిస్తారు.
