నాకు ఇది కెరీర్ లో ఫస్ట్ టైమ్

ఇప్పటికే చాలా సినిమాలు చేశాడు విశ్వక్ సేన్. దర్శకుడిగా కూడా ప్రూవ్ చేసుకున్నాడు. అయితే కెరీర్ లో తొలిసారిగా ఓ ఎక్స్ పీరియన్స్ దక్కిందని చెబుతున్నాడు ఈ హీరో. అది కూడా తన తాజా చిత్రం ఓరి దేవుడా చిత్రంతో ఆ అనుభూతి దక్కిందంటున్నాడు. ఇంతకీ ఏంటా అనుభవం.

"నా సినిమాను నేను రిలీజ్ కు ముందు చూడలేదు. మొదటి రోజు ప్రేక్షకులతో కలిసి చూశాను. నా కెరీర్ లో ఇలా జరగడం ఇదే ఫస్ట్ టైమ్. ఎడిటింగ్ లో కొన్ని సీన్స్, డబ్బింగ్ లో నా సీన్స్ చూశాను తప్ప.. ఫస్ట్ కాపీ రెడీ అయిన తర్వాత ఓరిదేవుడా సినిమాను నేను చూడలేదు. ప్రేక్షకులతో కలిసి ఫ్రెష్ గా చూశాను. ఇదొక మంచి అనుభూతి."

ఇలా కెరీర్ లో తొలిసారి తన సినిమాను రిలీజ్ కు ముందు చూడలేదని ప్రకటించాడు విశ్వక్. అయితే ఇదేదో కావాలని చేయలేదని, ప్రమోషన్స్ కోసం వివిధ ప్రాంతాలు తిరగడంతో ఫస్ట్ కాపీ చూడలేకపోయానని వెల్లడించాడు.

ఓరి దేవుడా సినిమాను సక్సెస్ చేసిన ప్రేక్షకులకు థ్యాంక్స్ చెప్పాడు విశ్వక్. సినిమాలో కీలక పాత్ర పోషించిన వెంకటేష్ కు ప్రత్యేకంగా ధన్యవాదాలు తెలియజేశాడు. అశ్వత్ మారిముత్తు ఈ సినిమాను తెరకెక్కించాడు.