Vishnu Vishal: సూపర్ హిట్ కాంబో కలిసింది
Vishnu Vishal new movie - హీరో విష్ణు విశాల్ కొత్త సినిమా ప్రకటించాడు. తనకు హిట్టిచ్చిన రాట్ససన్ మూవీ దర్శకుడితో కలిసి మరోసారి సినిమా చేయబోతున్నాడు.
హీరో విష్ణు విశాల్ సరికొత్త కథలు ఎంచుకుంటూ కెరీర్ నిర్మించుకుంటున్నాడు. ఇటీవలే ‘మట్టికుస్తీ’తో మంచి మార్కులు సంపాదించుకున్న ఈ హీరో, ఇప్పుడు మరో సినిమాకు సైన్ చేశాడు. ప్రముఖ నిర్మాణ సంస్థ సత్య జ్యోతి ఫిల్మ్స్‌ బ్యానర్ పై రామ్‌ కుమార్‌ దర్శకత్వంలో తాజాగా కొత్త ప్రాజెక్ట్ ని అనౌన్స్ చేశాడు.
విష్ణు విశాల్, రామ్‌ కుమార్‌ లది పాత్ బ్రేకింగ్ కాంబినేషన్. ‘ముండసుపట్టి’, ‘రాత్ససన్’ వంటి విజయాల తర్వాత ఈ కలయికలో రూపొందనున్న మూడో చిత్రమిది. రాత్ససన్ పలు భాషల్లో రీమేక్ అయ్యి సక్సెస్ అయిన సంగతి తెలిసిందే.
ఎఫ్‌ఐఆర్, మట్టికుస్తీతో సహా బ్యాక్-టు-బ్యాక్ కమర్షియల్ హిట్‌లతో విష్ణు విశాల్ ఇప్పుడు మోస్ట్ వాంటెడ్ హీరో అయ్యాడు. రీసెంట్ గా వచ్చిన మట్టి కుస్తీ సినిమాతో ఇతడి నాన్-థియేట్రికల్ మార్కెట్ కూడా పెరిగింది.
ఇంకా టైటిల్ ఫిక్స్ చేయని ఈ చిత్రాన్ని భారీ బడ్జెట్ తో తీయబోతున్నారు. రాత్ససన్ కంటే భిన్నమైన సినిమా ఇది. లవ్, ఫాంటసీ, కామెడీ, థ్రిల్ ఎలిమెంట్స్ ఇందులో ఉంటాయి. త్వరలోనే షూటింగ్ స్టార్ట్ చేస్తారు.
