Vikramarkudu | విక్రమార్కుడు రీ-రిలీజ్ సందడి
Vikramarkudu - రవితేజ-రాజమౌళి కాంబోలో వచ్చిన విక్రమార్కుడు సినిమాకు రీ-రిలీజ్ లో మంచి రెస్పాన్స్ వస్తోంది.
రీ-రిలీజ్ లో విక్రమార్కుడు సందడి చేస్తోంది. రవితేజ ఫ్యాన్స్, రాజమౌళి ఫ్యాన్స్ కలిసి ఈ సినిమాను మరోసారి థియేటర్లలో సెలబ్రేట్ చేస్తున్నారు.
2006లో వచ్చింది విక్రమార్కుడు సినిమా. ఛత్రపతి లాంటి బ్లాక్ బస్టర్ సక్సెస్ తర్వాత రాజమౌళి నుంచి వస్తున్న సినిమా కావడంతో విక్రమార్కుడిపై భారీ అంచనాలు నెలకొన్నాయి. ఆ అంచనాలకు ఏమాత్రం తీసిపోని విధంగా బ్లాక్ బస్టర్ హిట్టయింది విక్రమార్కుడు.
రవితేజ, అనుష్క హీరోహీరోయిన్లుగా నటించిన ఈ సినిమాలో రవితేజ డ్యూయల్ రోల్ పోషించాడు. కీరవాణి సంగీతం సినిమాకు బ్యాక్ బోన్ గా నిలిచింది. జింతాత సాంగ్ ఈ సినిమాలోనిదే.
ఈ సాంగ్ తో పాటు.. పోలీస్ గెటప్ లో రవితేజ చెప్పిన డైలాగ్ ను మరోసారి థియేటర్లలో ఎంజాయ్ చేస్తున్నారు రవితేజ ఫ్యాన్స్. అటు రాజమౌళి అభిమానులు కూడా, విక్రమార్కుడు, ఛత్రపతి లాంటి పక్కా కమర్షియల్ సినిమాను తీయాలంటూ జక్కన్నను అభ్యర్థిస్తున్నారు.
